तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

आन्दोलन र प्राप्ति

न्यूजलाईन्स् मिडिया संवाददाता
प्रकाशित मिति : २०७७ असार २० गते, शनिबार १४:४४

आन्दोलन र प्राप्ति

छन्द- उपजाति

धोक्रा भरौटे छल मात्र गर्ने
झोला भरौटे गुणगान गर्ने
सदैव चम्चा हजुरी बजार्ने
भएन कोही जननी सिंगार्ने।।

छोडेर झुप्रो पछुवा भएका
हाँसेर अग्लो घरमा गएका
जुठोपुरोमा अभिमान गर्ने
भएन कोही जननी सिंगार्ने।

धोक्रेहरूको हनुमान बन्दै
बोकेर हिड्दै भगवान भन्दै
ठुटा सडेका नवरत्न ठान्ने
भएन कोही जननी सिंगार्ने।

कैयौं अघोरी पनि ढाट्न आए
घस्दै खरानी गफ बाड्न आए
पहाड कब्जे दरबार अग्लो
रहेन प्यारो जननी त सग्लो।

ढ्याँङ्ग्रो ठटाए नव क्रान्ति भन्दै
स्याँन्द्रे हराए वलवान ज्यूँदै
बिलाउनेको न त नाम आयो
हरामलाई पद काम आयो।।

गर्नेछ आन्दोलन जो रमाई
सोचेर मोटो धनको कमाई
कुबेर बन्ने जब मिल्छ मौका
लगेर धर्ती तब खेल्छ चौका।।

क्रमश……

शम्भु गजुरेल
नुवाकोट

फेसबुक प्रतिक्रिया
सम्बन्धित शीर्षकहरु