दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

मन्त्री पार्वत गुरुङ्गको अध्यक्षताम राष्ट्रिय निर्देशन समिति गठन

न्यूजलाईन्स् मिडिया संवाददाता
प्रकाशित मिति : २०७७ असार २३ गते, मंगलवार ११:१२

२३ असार २०७७ शर्मिला विश्वकर्मा,काठमाण्डौ।

महिला बालबालिका तथा ज्येष्ठ नागरिक मन्त्री पार्वत गुरुङ्गको अध्यक्षतामा अपाङ्गता राष्ट्रिय निर्देशन समिति गठन गरिएको छ । अपाङ्गता क्षेत्रम नीतिगत काममा सहजीकरणका लागि अपाङ्गता भएका व्यक्तिहरुको अधिकार सम्बन्धी ऐन २०७४ ( दोस्रो संशोधन) २०७५ सहितको दफा ३८ (३) बमोजिम महिला बालबिलका तथा ज्येष्ठ नागरिक मन्त्री पार्वत गुरुङ्को असार १९ गतेको निर्णयबाट असार २१ गते अपाङ्गता राष्ट्रिय निर्देशन समिति गठन गरिएको छ । सो समितिमा अपाङ्गता क्षेत्रमा राष्ट्रिय स्तरमा महत्वपूर्ण योगदान पुर्याएका मध्येबाट बारा जिल्लाका जगदिश प्रसाद अधिकारी र काठमाण्डौंका रामप्रसाद ढुङ्गाना, विज्ञ मध्येबाट लमजुङ्ग जिल्लाकी प्रतिमा गुरुङ्ग, ललितपुरका डा. विरेन्द्रराज पोखरेल,सेवाप्रदायक संस्थाबाट गोरखाकी इन्द्रमाया गुरुङ् र बाँकेका कृष्ण गौतम मनोनित हुनु भएको छ ।


त्यसै गरी वर्गिय अपाङ्गताको तर्फबाट दोलखका रमेश लामा, काठमाण्डौका नरबहादुर लिम्बु, बाग्लुङ्का केदार प्रसाद अधिकारी ( के.पी.), गोरखाका मातृका देवकोटा, धनकुटाका युवराज कट्टेल, कास्कीकी लोचना अधिकारी, ललितपुरकी डा. सुनिता मलेकु / अमात्य, कपिलवस्तुकी पवन आचार्य, काठमाण्डौंकी हसना डङ्गोल र काभ्रेपलाञ्चोककी रोजिना श्रेष्ठ मनोनित हुनु भएको छ । सो राष्ट्रिय निर्देशन समितिमा राष्ट्रिय अपाङ्ग महासंघ नेपालका केन्द्रिय अध्यक्ष मित्रलाल शर्मालाई पदेन सदस्यको रुपम चयन गरिएको छ । त्यसै गरी अपाङ्ग राष्ट्रिय निर्देशन समितिका सदस्य एवं नेपाल अपाङ्ग मानव अधिकार केन्द्रका कार्यकारी निर्देशक जगदिश प्रसाद अधिकारीले यस समितिले अपाङ्गता भएका व्यक्तिहरुका प्रत्येक सवालहरुमा नीतिगत रुपमा काम गर्ने बताउनु भयो । सो समितिमा विभिन्न मन्त्रालयका मुख्य सचिव, सचिव, प्रतिनिधि र राष्ट्रिय सभाका प्रतिनिधि तथा राष्ट्रिय अपाङ्ग महासंघ नेपालको प्रतिनिधित्व पनि रहने छ ।

फेसबुक प्रतिक्रिया
सम्बन्धित शीर्षकहरु