दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

एक वर्ष भित्रमा गौतमबुद्ध विमानस्थलले उडान सुरु गर्ने-मन्त्रीअधिकारी

न्यूजलाईन्स् मिडिया संवाददाता
प्रकाशित मिति : २०७५ जेष्ठ ९ गते, बुधबार १६:०९

पुनहरि बेल्बासे/भैरहवा-पर्यटन तथा नागरिक उड्यन मन्त्री रबिन्द्र अधिकारीले आज निर्माणाधिन गौतमबुद्ध अन्तर्राष्ट्रिय विमानको निरिक्षण गर्नुभएको छ । निरिक्षणका क्रममा मन्त्री अधिकारीले निर्माणाधिन विमानस्थलमा विगतमा केही अबरोधका कारण ढिलाई हुन गएको र अगामी दिनमा कोही कसैले अबरोध गरेमा सरकारले नछाड्ने बताउँदै समयमै विमानस्थलको काम सम्पन्न गर्न सरकारले जस्तोसुकै कदम पनि चाल्न सक्ने बताउनुभयो । अहिले निर्माणको काम तीब्र गतिमा अगाडि बढेको बताउँदै मन्त्री अधिकारीले आगामी एक वर्ष भित्रमा गौतमबुद्ध विमानस्थलले उडान सुरु गर्ने बताउँदै हवाई रुट प्रमिटको काम पनि अगाडि बढेको बताउनुभयो ।

गौतमबुद्ध अन्तर्राष्ट्रिय विमानस्थल निर्माणमा अहिले टर्मिनल भवन र रनवेको काम तीब्र गतिमा भएरहेकोले आगामी चैत भित्र रन वेको निर्माण कार्य सकिने आयोजना प्रमुख ओम शर्माले बताउनुभयो । शर्माका अनुसार विमानस्थलमा अहिले रनवे को सब बेस निर्माण सकिएर बेस कोर्सको काम हुँदै छ । बेस कोर्सको काम डेढ महिनामा सकिनेछ र बर्षायाममा निर्माणकार्य बन्द हुने भएकाले रन वे पिचको काम असोज बाट शुरु भई चैत भित्र पूरा हुनेछ । त्यसै गरी टर्मिनल बिल्डिङ र जहाज पार्किङ एरियाको पनि निर्माण कार्य हँुदैछ । टर्मिनल बिल्डिङको निर्माण कार्य २०७५ मंसिर भित्र पूरा हुनेछ भने  सन् २०१९ को जुन सम्ममा गौतमबुद्ध अन्तर्राष्ट्रिय बिमानस्थनको काम सम्पन्न गरी उडान शुरु हुने आयोजना प्रमुख शर्माको दाबी छ । उहाँका अनुसार विमानस्थल निर्माणको काम हाल सम्म ४० प्रतिशत सम्पन्न भएको छ ।

फेसबुक प्रतिक्रिया
सम्बन्धित शीर्षकहरु