
काठमाडौं ।नेपालमा थप ५८१ जनामा कोरोना भाईरस (कोभिड-१९) को संक्रमण पुष्टि भएको छ ।
सोमबार नियमित प्रेस बृङमार्फत स्वास्थ्य तथा जनसंख्या मन्त्रालयले संक्रमण पुष्टि हुनेमा १७३ महिला र ४०८ जना पुरुषले रहेको जानकारी दिएको हो । योसंगै संक्रमितको संख्या २७ हजार २४१ पुगेको छ । आज ११ हजार ५२० जनाको पीसीआर विधिबाट परीक्षण गर्दा ६४१ जनामा संक्रमण देखिएको मन्त्रालयका प्रवक्ता डा. जागेश्वर गौतमले जानकारी दिए ।
यसैगरी, पछिल्लो २४ घन्टामा थप १६० जना कोरोना संक्रण मुक्त भएका छन् । योसंगै संक्रमण मुक्त भई निको हुनेको संख्या १७ हजार ४९५ पुगेको छ । यस्तै, देशभर ९ हजार २ सय ४१ जना कोरोना भाइरसका सक्रिय संक्रमित छन् ।


