दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

माइती इन्डियाको पहलमा भारतको विभिन्न स्थानबाट ८ जना नेपाली बालकको उद्धार

न्यूजलाईन्स् मिडिया संवाददाता
प्रकाशित मिति : २०७५ जेष्ठ १८ गते, शुक्रबार २१:०६

जेठ १८, काठमाण्डौ । भारतको नई दिल्लीस्थ्ति भारतीय दूतावासको सहयोग र माइती इन्डियाको पहलमा भारतको विभिन्न स्थानबाट ८ जना नेपाली बालकको उद्धार गरिएको छ ।
आज महिला बालवालिका तथा जेष्ठ नागरिक मन्त्रालयमा सार्वजनिक गरिएका ८ जना बालकहरुमा जनकपुरका शिवकुमार अयर्मन, बाजुराका शंकर बिश्वकर्मा, गुल्मीका राकेश , रौटहटका राजकिशोर, महोत्तरीका हसन र पहिचार र बिराटनगरका सन्तोष रहेका छन ।

उनीहरुलाई  आज  मन्त्रालयमा सार्वजनिक गर्दे महिला, बालबालिका तथा जेष्ठ नागरीक मन्त्रालयकी मानव बेचबिखन तथा नियन्त्रण शाखा प्रमुख रोशनीदेवी कार्कीले बालबालिकाहरुको आभारभुत आबश्यकतादेखि मनोरञ्जन र पारिवारिक झै झगडाको कारणले घर छोडेर भारत जाने बालबालिका बढेको बताइन् । उनले  खुल्ला सीमानाले गर्दा बच्चाहरु घुम्न जाने बाहानले पनि भारतमा जाने गरेको बताईन्  ।

उद्दार गरिएका बालकलाई मन्त्रालयले  आज महिला तथा बालबालिकाको क्षेत्रमा काम गर्दे आएको संस्था सिवीनलाई जिम्मा लगाएको छ । सिवीनले बालबालिकाको अभिभावकले बच्चा लिन नआउन्जेल बालकहरुको संरक्षण गर्ने भएको छ ।

सिवीनकी मनो विमर्सकर्ता हिरा खतिवडाले महिला बालबालिका तथा जेष्ठ नागरीक मन्त्रालय, नेपाल टेलिकमको सहयोगमा जोखीममा परेका बालबालिकाको  उद्धार,  राहात,  कानुनी परामर्श, लगायत आबश्यकता अनुसार सहयोग गर्ने र परिवारमा पुनर्मिलन गराइने बताइन् ।

यी बालकहरुको उद्धार माईती इण्डियाका संस्थापक अध्यक्षसमेत रहेका बालकृष्ण पाण्डेको पहलमा गरिएको थियो । पाण्डेले  २२ दिनको प्रयासबाट यी बालकहरुको उद्धार गरेको बताए । पाण्डेले भारतमा रहेका बिभिन्न संघसंस्था, दिल्ली प्रहरी,  नेपाली दुतावास लगायतको सहयोगमा बच्चा फेला पारेको बताए ।

फेसबुक प्रतिक्रिया
सम्बन्धित शीर्षकहरु