
काठमाडौं । बितेको २४ घण्टामा देशभर थप ३ हजार ६३७ जनामा कोरोना भाइरस (कोभिड-१९) को संक्रमण पुष्टि भएको छ ।
स्वास्थ्य तथा जनसंख्या मन्त्रालयको नियमित प्रेस बृफिङमार्फत प्रवक्ता डा. जागेश्वर गौतमले यसबारे जानकारी दिएका हुन् । यससँगै कुल संक्रमितको संख्या १ लाख ४८ हजार ५०९ पुगेको छ ।
देशभरका प्रयोगशालामा १५ हजार २२५ नमुना परीक्षण गर्दा उनीहरुमा संक्रमण पुष्टि भएको हो । आज देशभर ४४ हजार ८७७ जना संक्रिय संक्रमित छन् ।
यसैगरी, पछिल्लो २४ घण्टामा मात्र ३ हजार २१५ जना संक्रमणमुक्त भएसँगै निको हुनेको संख्या १ लाख २ हजार ८३० पुगेको छ ।


