तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

मर्न ढिलो गरेछु´´

न्यूजलाईन्स् मिडिया संवाददाता
प्रकाशित मिति : २०७७ कार्तिक २२ गते, शनिबार ७:२५

मर्न ढिलो गरेछु´राम चन्द्र तिम्सिना (आवाज)

रोगमा सम्झेनन
भोकमा सम्झेनन
आपतम हेरेनन
बिपदमा हेरेनन
के खायो के लायो,
कसरी टार्यो कसरी पुर्यायो
त्यो पनि देखेनन !!

एकमुठी प्राण फुस्स जानू मात्र पर्छ,
टोलभरिका जम्मा हुन्छन,
गाउँभरिका भेला हुन्छन्
मानौं कि ,
उस्को प्राण पखेरु फिर्ता ल्याउँला जसरी,
एक हुल आउँछन् तारिफ गर्छन,
अर्का हुल आउँछन् डाँको छोडेर रुन्छन,
मानौं कि,
कुनै मेडल र पदक दिउँला जसरी !!

मिहेनत र पसिनाले भोको पेट भर्न नसक्दा ,
नाङ्गो शरीर ढाक्ने कपडा पाएनन् होला,
कसैले केही भनेन, केही गरेनन !!

मरेको खबर सुन्नु मात्र पर्छ,

गाउँलेको ओहिरो लाग्नेछ,
समाजसेविको पहरा लाग्नेछ,
कति छिटो आईपुग्छ दुईमिटरको सेतो कपडा ,
कति छिटो आईपुग्छ बलिया र सोझा दुईटा बाँस,
कति छिटो आईपुग्छ चढाउने गाईको दूध,
अनि कति छिटो आईपुग्नेछ,
जोडले बज्ने बलियो शंख,
अनि कति छिटो आईपुग्नेछ,
बलिया नौजवानहरुको ताँती र दाउरा पनि,
मानौं कि,
मृत्युमा शोक होईन जश्न मनाउँदैछन !!

जति सक्यो छिटो घाटमा पुर्याउन हतारो,
अझ त्यो भन्दा छिटो आगो लगाउन,
मानौं कि,
यो समाजको लागि उ घाँडो थियो !!

लाश आफ्नै तरिकाले जल्थ्यो होला तर कोहि भन्दै थिए अलि छिटो पोल,
नत्र ढिला हुन्छ,
त्यो भुँडीमा घोच त्यो टाउको फुटा त्यो करङ्ग भाँच अनेकानेक,
आहा,
मानौं कि,
कसैलाई उत्सव मनाउँन हतारो थियो !!
मानौं कि ,
कसैलाई आफ्नो नाम तमसुकमा लेखाउन हतारो थियो !!

लाश जल्यो खरानी भयो र आत्मा त्यहीँ भड्किएर सोच्दै थियो,
पहिल्यै मर्नुपर्ने रहेछ,
मैले मर्न ढिलो गरेछु !!

फेसबुक प्रतिक्रिया
सम्बन्धित शीर्षकहरु