
आँखा भएको अन्धो र
मस्तिष्क भएको अचेत बुद्धिजीवी वर्ग मात्र छन् यहाँ ……
युग परिवर्तनको क्रममा छ, सत्य हो ! समय परिवर्तनशील हुन्छ, यो पनि सत्य हो तर, समयसँगै मानवीय संवेदनामा परिवर्तन आउन भने सक्दैन !
समयले समाजलाई परिवर्तन त गर्ला तर समाजको रूपान्तरण गर्न त मानिसको सोच र दृष्टिकोणमा नै पूरै परिवर्तन गर्न सक्नुपर्छ तब मात्र समाजको परिवर्तन सम्भव छ!
हाम्रो समाजमा परिवर्तन आएकै छैन बरु, समाजमा मध्ययुगिन संस्कार झन्-झन बिकराल बन्दै गएको पुष्टी हुन्छ—
👉️ कोरोनाको बहानामा मानव तस्कर सक्रिय छन् !
👉️ जालसाजी खुलेआम हुन्छन् !
👉️ भ्रस्टाचार र अनियमितता संस्थागत बनेका छन् !
👉️ निर्दोषको लास माथी टेकेर आफ्नो छाक टार्ने हुँडारहरु सक्रिय छन् !
👉️ बिकास, परिवर्तन र समृद्धिको नारामा अल्झाउँने सरकार सक्रिय छन् !
👉️ पिडितको चित्कारमा खेल्न पाउँने अपराधी सक्रिय छन् !
👉️ सत्य-तथ्य लुकाउँने कालाकोटे सक्रिय छन् !
👉️ गरिबको भावना माथी खेल्ने नेता सक्रिय छन् !
👉️ सत्ता, शक्ति र पदको प्रयोग दमनमा सक्रिय छ ……
भिड र भेंडा एकातिर छ, नेता दलाल र तस्कर अर्कातिर छन!
हौवा पिटाएरै हजारौं भेंडा जुटाईन्छ यहाँ ,
सफललाई फुटाईन्छ र निर्दोषलाई कुटाईन्छ पनि यहाँ !
अनि ….
सत्य र निस्पक्ष बोल्नेलाई हिजो जस्तै तातो पानीमा कुखुरा जसरी भुत्ल्याईन्छ, नङ्ग्याईन्छ,
हड्डिखुर छुट्याईन्छ,
चिरफार गरेर आन्द्राभुँडि, मुटु, कलेजो, फोक्सो निकालिन्छ!
अनि त्यसैको रोस्ट ,
त्यसैको सेकुवा र त्यसैको सुप बनाएर जश्न मनाईन्छ!
केहिलाई समर्थनमा उतारिन्छ केहिलाई विरुद्धमा ताकी भावी रणनीति तय गर्न सकियोस र जनताको मुख थुन्न सकियोस!
भेंडा जनता अचेत बुद्धिजीवी आपसमा जल्छन आपस मै लड्छन र आफै सिधिन्छन!
त्यही लास माथी टेकेर फेरि अर्का सच्चा क्रान्तिकारि जन्मिन्छन !
नारा-जुलुस तामझाम सहित उचाल्छन त्यहीँ भेंडा ,
र यवंम रितले निरन्तर यो प्रथा चलिरहन्छ मर्ने मरि नै रहन्छन बाँच्ने चलाखले आफ्नो राजनितिको रोटि सेकि नै रहन्छन !
अब त केही चेत केही बुझ भेंडा बनेर कराउन होईन गोठाला बनेर चराउन सिक !!
राम चन्द्र तिम्सिना
(आवाज)


