
काठमाडौं । बितेको २४ घण्टामा देशभर थप १ हजार ४४२ जनामा कोरोना संक्रमण पुष्टि भएको छ । योसँगै संक्रमितको संख्या २ लाख १२ हजार ९१७ पुगेको छ ।
बुधबारको प्रेस ब्रिफिङमा स्वास्थ्य मन्त्रालयका प्रवक्ता डा. जागेश्वर गौतमले यसबारे जानकारी दिएका हुन् ।
उनका अनुसार ६ हजार ७३१ जनाको पीसीआर परीक्षण गरिएकोमा उनीहरुमा संक्रमण देखिएको हो ।
यसैगरी, पछिल्लो २४ घण्टामा ३ हजार ५३८ जना डिस्चार्ज भएसँगै निको हुनेको संख्या १ लाख ८२ हजार ७८० पुगेको छ ।
आज सक्रिय संक्रमितको संख्या २८ हजार ८७८ रहेको छ ।
यस्तै, पछिल्लो २४ घण्टामा कोरोनाबाट थप १२ जनाको मृत्यु भएसँगै मृतकको संख्या १ हजार २५९ पुगेको छ ।


