दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

चुरोटको धुवाँ संगै सकिएको जवानि”

न्यूजलाईन्स् मिडिया संवाददाता
प्रकाशित मिति : २०७७ माघ ३ गते, शनिबार १७:५१

~~ कविता ~~
“चुरोटको धुवाँ संगै सकिएको जवानि” —

“धूम्रपान स्वास्थका लागि हानिकारक छ”
पढ्छ खिस्स हाँस्छ
अरुलाई पनि सुनाउँछ उस्ले
मानौं उपहास गर्दैछ शब्दको
अनि सल्काउँछ चुरोट तन्तनि
हरेक सर्कोको धुवाँ संगै
उडाउँछ बुङ्गबुङ खरानि ।
छोटिदैछ आफ्नो जिवनको आयु
छोटिदैछ चुरोटको लम्बाई
अनि फेरिदैछ जिवनको कहानी।

सुरा र सुन्दरिको छेउमा
भर्खर जुंगाको रेखी बस्दै गरेको ओठले च्याप्दै
हातले समाउँदै
औंलाले मुसार्दै
फुसफुस धुवाँको फोका उडाउँथ्यो र
आफ्नो शान झार्थ्यो ।

बारिको कुना
घरको कर्सा
स्कुलको ट्याईलेट र
गाउँको गल्लिमा फुक्थ्यो धुवाँ
अनि गर्व गर्थ्यो आफुलाई ।

शिक्षकको आँखा छलेकोमा महान सोच्थ्यो आफैलाई
बाबुको नजरबाट बचेकोमा बहादुर सम्झिन्थ्यो उस्ले
आमाको ममतालाई छक्याएकोमा चलाख मान्थ्यो उ।
साथिसंगिको भिडमा धुँवा उडाएकोमा गर्व गर्थ्यो आफुलाई।

तर दिन फेरियो
संधै एकनास कहाँ हुन्छ र साथी।

सौखका लागि पिउँदै गर्दा
आज उ सौखिन भयो।
नियमित प्रक्रियाले
रहर नशामा परिणत बन्यो।
रंगिन जीवन बिरंगी भयो
स्वस्थ शरिरमा खिया लाग्यो
टिबि, क्यान्सर, खोकी
के-के हो के-के रोगको नाम पनि
थलिदै र गलिदै जाँदा थाहा भयो।

हिजो आज एक टङ्कार खोक्दैछ उस्ले
अनुहार निलो र मलिन भएको छ उस्को।
श्रीमती रुँदैछिन एकातिर
छोराछोरी न्याउरिएका छन् अर्कातिर ।
मैले खल्तिबाट चुरोटको बट्टा निकालेर सोधेँ
के लेखिएको छ भाई यहाँ ?
बोल्न सकेन उस्ले आँसु मात्रै झारिरह्यो
लाग्दै थियो
ग्लानी बोध गर्दै थियो
धिकार्दै थियो आफुलाई
अनायासै
साश बढ्दै गयो
उस्को प्राण पखेरु उढ्दै गर्दा मैले पढेर सुनाई दिए
“धूम्रपान स्वास्थका लागि हानिकारक छ”– ।

रामचन्द्र तिम्सिना (आवाज)
म्यागङ ५ सामरी, नुवाकोट

फेसबुक प्रतिक्रिया
सम्बन्धित शीर्षकहरु