दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

चार दिने साबुन बनाउने तालिम हिजोदेखि बालुवाटारमा शुरु

न्यूजलाईन्स् मिडिया संवाददाता
प्रकाशित मिति : २०७५ असार १० गते, आईतवार १३:१३

काठमाडौं-साबुन बनाउने तालिम  हिजोदेखि काठमाडौंमा शुरु भएको छ । चार दिनसम्म सञ्चालन हुने सो तालिमको हिजो आयोजित एक कार्यक्रमका बीच काठमाडौं महानगरपालिकाका कार्यबाहक प्रमुख हरिप्रभा खड्गी श्रेष्ठले उद्घाटन गर्नुभएको थियो ।

सो अवसरमा उहाँले महिलाहरुलाई अधिकार सम्पन्न बनाउनुपर्नेमा जोड दिदै महिलाहरु आफ्नो हक अधिकारका लागि जागरुक भएर लाग्नुपर्नेमा जोड दिनुभएको थियो ।

महिलाहरुलाई उद्यमी बनाउने काममा महानगरपालिकाले सहयोग गरिरहेको उल्लेख गर्दै महानगर कार्यबाहक प्रमुख खड्गीले महानगरपालिकाले महिलाहरुको क्षमता विकासमा विशेष ध्यान दिएको पनि बताउनुभयो ।
काठमाडौं महानगरपालिकाको सहयोगमा विकास र समृद्धिको लागि महिला नामक संस्थाले सो तालिम कार्यक्रम आयोजना गरेको हो ।

कार्यक्रममा काठमाडौं महानगरपालिका ४ नं. वडाका वडा अध्यक्ष मोहन बहादुर विष्टले वडाले महिला, बालबालिका र जेष्ठ नागरिकको हक हित र वडाको समग्र विकासका लागि सक्रियतापूर्वक कार्य गरिरहेको बताउनुभएको थियो ।

कार्यक्रममा पूर्व सांसद रमा गुरागाई, नेपाली कांग्रेस काठमाडौं क्षेत्र नं.४ का क्षेत्रिय सभापती रमेश कुमार खड्का, नेपाली कांग्रेसका स्थानीय नेताहरु राम प्रसाद न्यौपाने, शम्भु अधिकारी लगायतले महिला, बालबालिका र जेष्ठ नागरिकको उत्थान र वडाको विकासमा सहयोग गर्न कामपा कार्यबाहक प्रमुख हरिप्रभा खड्गी समक्ष आग्रह गरेका थिए ।

सो साबुन बनाउने तालिममा काठमाडौं महानगरपालिका ४ नं. वडाका महिलाहरुको सहभागिता रहेको छ ।

फेसबुक प्रतिक्रिया
सम्बन्धित शीर्षकहरु