दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

सबैभन्दा बढि वर्षा भैरहवामा २२६ दशमलव ९ मिलिलिटर

न्यूजलाईन्स् मिडिया संवाददाता
प्रकाशित मिति : २०७५ असार १९ गते, मंगलवार १४:५७

बुटवल – रुपन्देही तथा आसपासको क्षेत्रमा आइतवार देखि सोमवार साझसम्म नेपालमा सबैभन्दा बढी वर्षा भएको छ ।
जल तथा मौषम विज्ञान विभागले नेपालमा भएका मापन केन्द्रमा सबै भन्दा बढी भैरहवामा वर्षा भएको जनाएको छ । आइतवार रातिदेखि सोमवार साझ पौने ६ बजेसम्म भैरहवामा २२६ दशमलव ९ मिलिलिटर वर्षा भएको मौसमबीद समिर श्रेष्ठले जानकारी दिए ।

भैरहवा पछी नेपालगञ्जमा वर्षा भएको छ । नेपालगञ्जमा २०६ दशमलव ६ मिलिलिटर वर्षा भएको छ । यो वर्षा यस वर्षकै सबैभन्दा बढी हो । यस्तै कपिलवस्तुमा १ सय ७८ दशमवल २ मिलिलिटर वर्षा भएको छ । पहाडी पाल्पा, गुल्मि अर्धाखाची जिल्लामा पनि सोमवार बढी नै वर्षा भएको छ ।

आइतवार रातिदेखि सोमवार अपरान्हसम्म लगातार वर्षा भएपनि सोमवार साझ केहीबेर वर्षा रोकिएको छ । साझ केहीबेर वर्षा रोकिएपनि रातिदेखि मंगलवार बिहानसम्म पुन वर्षा हुने सम्भावना रहेको मौसमवीद श्रेष्ठले बताए । उनका अनुसार सोमवारको जत्तिको बढी वर्षा नभएपनि भारी वर्षाको सम्भावना भने कायमै छ ।

मंगलवार दिउसो केही कम भएपनि साझ पुन पानी परेर बुधवारदेखि पानी पर्न केही कम हुने श्रेष्ठलेबताए । यस क्षेत्रका पहाडी जिल्लामा पनि तराइमा जस्तै पानी पर्ने छ । लगातारको वर्षाले अवरुद्ध भएको भैरहवा स्थित गौतम बुद्ध बिमानस्थल सोमवार साझबाट खुलेको छ ।

सोमवार बिहानैदेखि जहाज अवतरणका लागि आवश्यक भिजिबिलिटी नभएर उडान हुन नसकेकोमा साझ पख वर्षा कम भएपछी भिजिबिलिटी बढेको बिमानस्थलका बरिष्ट अधिकृत प्रदीप अर्यालले जानकारी दिए । उडानका लागि आवश्यक भिजिविलिटी भएपछी बुद्ध र यति एयर लायन्सका एक एक वटा उडान साझ भएका छन ।

फेसबुक प्रतिक्रिया
सम्बन्धित शीर्षकहरु