दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

टोखाले ग्राण्डी अन्तर्राष्ट्रिय अस्पतालसहित तीन स्थानबाट कोभिड खोप प्रदान गर्ने

न्यूजलाईन्स् मिडिया संवाददाता
प्रकाशित मिति : २०७७ फाल्गुन २० गते, बिहीबार ८:४०

काठमाडौँ, २० फागुन । टोखा नगरपालिकाले ग्राण्डी अन्तर्राष्ट्रिय अस्पताल धापासीसहित तीन स्थानबाट कोभिड–१९ विरुद्धको खोप प्रदान गर्ने भएको छ ।

सरकारले आगामी फागुन २३ गतदेखि देशभरका ५५ वर्षभन्दा माथिका ज्येष्ठ नागरिकलाई खोप प्रदान गर्ने नीति लिएअनुसार काठमाडौँको उत्तरी क्षेत्रमा रहेको टोखाले ग्राण्डी अस्पतालसहित तीन स्थानबाट कोभिड–१९ विरुद्धको खोप प्रदान गर्न लागेको हो ।

टोखा नगरपालिकाका स्वास्थ्य शाखा प्रमुख रनलाल कुलालले चण्डेश्वरी प्राथमिक स्वास्थ्य केन्द्र टोखा, ग्राण्डी अन्तर्राष्ट्रिय अस्पताल धापासी र अल नेपाल अस्पताल सामाखुशीबाट खोप प्रदान गर्न लागेको जानकारी दिनुभयो ।

“टोखा नगरपालिका वडा नं १ देखि ३ सम्म चण्डेश्वरी प्राथमिक स्वास्थ्य केन्द्र टोखा, वडा नं ४ देखि ७ सम्म ग्राण्डी अन्तर्राष्ट्रिय अस्पताल धापासी र वडा नं ८ देखि ११ सम्मलाई अल नेपाल अस्पताल सामाखुशीबाट खोप प्रदान गर्न लागेका छौँ,”–उहाँले भन्नुभयो ।

कोभिड–१९ को खोप लगाउँदा आधा घण्टासम्म ‘साइड इफेक्ट’ देखिनसक्ने कुरालाई मध्यनजर गर्दै टोखाले खोप केन्द्रका रुपमा अस्पताललाई छनोट गरेको हो । ५५ वर्षभन्दा माथिका ज्येष्ठ नागरिक र सामुदायिक विद्यालयका शिक्षकलाई खोप प्रदान गर्ने लक्ष्य राखेको टोखाले चैत १५ सम्म सबै खोप प्रदान गर्ने जनाएको छ ।

टोखा नगरपालिकाका नगरप्रमुख प्रकाश अधिकारीले टोखा नगरपालिकाले ज्येष्ठ नागरिकलाई प्राथमिकतामा राखेर काम गरिरहेको बताउनुभयो । टोखामा ५५ वर्षभन्दा माथिका ज्येष्ठ नागरिक र सामुदायिक विद्यालयका शिक्षक गरी झण्डै १५ हजार संख्या रहेको छ ।

फेसबुक प्रतिक्रिया
सम्बन्धित शीर्षकहरु