दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

नवनिर्वाचित सचिव तथा कोषाध्यक्ष सुमन पाण्डेको सम्मानमा टानको कार्यक्रम

न्यूजलाईन्स् मिडिया संवाददाता
प्रकाशित मिति : २०७७ चैत्र २ गते, सोमबार २२:१७

काठमाडौं-ट्रेकिङ एजेन्सिज एसोसिएसन नेपाल (टान)ले पाटा हेड क्वार्टरका नवनिर्वाचित सचिव तथा कोषाध्यक्ष सुमन पाण्डे लाई बधाई ज्ञापन गरेको छ । सोमबार एक कार्यक्रमको आयोजना गरी टानले सचिव पाण्डेलाई शुभकामनाका साथै बधाइ ज्ञापन गरेको हो ।

कार्यक्रममा टानका अध्यक्ष खुम वहादुर सुबेदीले स्वागत मन्तब्य राख्दै कार्यक्रम माथि प्रकाश पारेका थिए । कार्यक्रमका प्रमुख अतिथि पर्यटन विभागका महानिर्देशक रुद्र सिंह तामाङ समक्ष पर्यटन व्यवसायका समस्याहरू राख्दै छिट्टै क्वारेन्टाइन सिस्टम हटाएर पर्यटकको आगमन सहज बनाउन सहयोग गरिदिन समेत सुवेदीले आग्रह गरे ।

त्यसैगरी कार्यक्रममा बोल्दै प्रमुख अतिथि तामाङले पर्यटन क्षेत्रको सहजताका लागि आफूले गर्नुपर्ने पहल गरिरहेको बताए । पछिल्लो समय नाकाबाट नेपाल आउने पर्यटकले पीसीआर रिपोर्ट ल्याउनुपर्ने र फ्लाइटबाट आउने पर्यटकले नेपालमा आएर पीसीआर टेस्ट गर्नुपर्ने र नतिजा नआउन्जेल क्वारेन्टाइन बस्नुपर्ने ड्राफ्ट तयार भएको समेत तामाङले बताए । छिट्टै नै सरकारले पर्यटन क्षेत्रका समस्यालाई सम्बोधन गर्ने तयारी भएको पनि उनले बताए ।

टानका पूर्व अध्यक्ष नवराज दाहालले पाण्डेलाई बधाइ दिँदै पाटा जस्तो सम्मानित संस्थाको सचिव पदमा नियुक्त हुँदा सिङ्गो पर्यटन क्षेत्रले नै गर्व महशुस गरेको बताए । “सचिव पाण्डेले पाटा च्यापटर नेपालको अध्यक्ष हुँदा पनि धेरै कामहरु गर्नुभएको छ , हामीलाई आशा छ अबको दिनमा पनि नेपालको पर्यटन विकासका लागि सँधै तत्पर भएर लाग्नु हुनेछ”निवर्तमान अध्यक्ष दाहालले भने ।

याङकीला शेर्पाले सुमन पाण्डेले नेपाल पर्यटन क्षेत्रमा धेरै उपलब्धिमूलक कार्य गरेको बताईन् । शुभकामना तथा बधाई कार्यक्रममा बोल्दै नवनिर्वाचित पाटा हेडक्वार्टरका सचिव पाण्डेले करिब ३२ वर्ष देखि पर्यटन क्षेत्रमा बिताएको उनले बताए । टानको महासचिवबाट एसोसिएसनमा काम गर्दै आज पाटा हेडक्वार्टरको सचिवसम्म आइपुग्दाको समय भित्रमा साथ सहयोग गर्ने सबै शुभचिन्तकलाई सम्झिँदै पाण्डेले सबैमा धन्यवाद ज्ञापन समेत गरे । मान्छेले जहाँ गएपनि आफ्नो धरातल बिर्सिन नहुने बताउँदै उनले आफू जहाँ पुगेपनि टान लाई, नेपाल पर्यटनलाई र पर्यटन क्षेत्रको विकासमा र आइपर्ने कुनै समस्याको समाधान खोज्न सँधै तयार रहेको पाण्डेले जानकारी समेत गराए । टानका पूर्व अध्यक्ष समेत रहेका पाण्डेलाई रुद्र सिंह तामाङले खादा लगाई शुभकामना प्रदान गरेका थिए ।

फेसबुक प्रतिक्रिया
सम्बन्धित शीर्षकहरु