
काठमाडौँ, ३० चैत । नेपाल टिपर तथा ट्रक व्यवसायी समितिको अध्यक्षमा दिलबहादुर श्रेष्ठ निर्वाचित हुनुभएको छ ।
समितिको नवौँ वार्षिक साधारसभा तथा छैटौँ राष्ट्रिय महाधिवेशनबाट श्रेष्ठको नेतृत्वमा २५ सदस्यीय कार्यसमिति निर्वाचित गरेको हो । अध्यक्ष, प्रथम उपाध्यक्ष, तृतीय उपाध्यक्ष र सहकोषाध्यक्षबाहेक अन्य पदमा निर्वाचन भएको थियो ।
समितिको वरिष्ठ उपाध्यक्षमा सुमन वोगटी ५०५ मत ल्याएर विजयी हुनुभएको समितिका संस्थापक अध्यक्ष यादवलाल श्रेष्ठले जानकारी दिनुभयो ।
यस्तै, प्रथम उपाध्यक्षमा शिव ओझा, द्धितीय उपाध्यक्षमा अमर श्रेष्ठ (५६३), तृतीय उपाध्यक्षमा राजु सन्याल, सचिवमा हेमराज श्रेष्ठ (६६१), सहसचिवमा राजन श्रेष्ठ (४८३), कोषाध्यक्ष प्रदीप बस्नेत (६७६) मत ल्याई विजयी हुनुभएको छ ।
यस्तै, सहकोषाध्यक्षमा मनोज कार्की, सचिवालय सदस्यमा हरि पाठक (५३७), कुमार श्रेष्ठ (५४३), राजु रेग्मी (३८१), आनन्द राजथला (३३८) र साजन पौडेल (३२५) मत ल्याएर विजयी हुनुभएको हो ।
यस्तै सदस्यमा प्रेमबहादुर बानिया, राजु पौडेल, शम्भु पौडेल, सुवास अधिकारी, सुरज खतिवडा, प्रमोद थापा, विष्णु कार्की, सविनकुमार राई, रविन्द्र सन्याल र धर्म गोपाली निर्वाचित हुनुभएको छ ।
समितिको नवौँ साधारणसभा एवम् छैटौँ महाधिवेशनको शुक्रबार शिक्षा, विज्ञान तथा प्रविधिमन्त्री कृष्णगोपाल श्रेष्ठले उद्घाटन गर्नुभएको थियो ।


