दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

आयुशलाई स्वर्ण

न्यूजलाईन्स् मिडिया संवाददाता
प्रकाशित मिति : २०७८ बैशाख २ गते, बिहीबार १८:४३

काठमाडौं, बैशाख २ गते ।
बायोका सामुदायिक विद्यालयका आयुश बोहराले कागेश्वरी मनोहरा नगरपालिका नगरस्तरीय राष्ट्रपति रनिङ सिल्ड खेलकुद प्रतियोगिताको तेक्वान्दोतर्फ छात्र ४५ केजीमा बिहीबार स्वर्ण जितेका छन् ।
कागेश्वरी मनोहरा नगर खेलकुद विकास समितिद्वारा आयोजित प्रतियोगिताको छात्र ४८ केजीमा श्री आदर्शका महेश आङथुपु तथा ५१ केजीमा अल्पाइन एकेडेमीका आयुश ढुंगेलले स्वर्ण जिते ।
डाँछीस्थित नेप्लिज तेक्वान्दो एकेडेमी (एनटीए) को हलमा भएको प्रतियोगिताको छात्रा ४० केजीमा कान्ति भैरवकी सुनिता मोक्तान, ४४ केजीमा तेज विनायककी श्रृष्टि लो तामाङ र ४२ केजीमा अल्पाइनकी प्रगति कुइकेलले आ–आफनो प्रतिद्वन्द्वीलाई पराजित गर्दै पहिलो स्थान हात पारे ।
विजेतालाई नेपाल तेक्वान्दो संघका उपाध्यक्ष समेत रहेका सुमेरु ग्रुपका अध्यक्ष भरत महर्जनलगायतले एक कार्यक्रमबीच पुरस्कृत गरे । त्यसअघि एकदिने प्रतियोगिताको कागेश्वरी मनोहरा नगरपालिका मेयर कृष्णहरि थापाले उद्घाटन गरेका थिए । प्रतियोगितामा विभिन्न १३ विद्यालयका ३० छात्र र १७ छात्रा खेलाडीले समान ३–३ स्पर्धामा प्रतिस्पर्धा गरेको प्रतियोगिता संयोजक एवं तेक्वान्दोका अन्तर्राष्ट्रिय निर्णायक अशोक खड्काले जनाएका छन् ।
प्रतियोगिताअन्तर्गत शुक्रबार एथलेटिक्स खेल मुलपानीमा हुँदैछ । छात्र÷छात्रामा ६–६ गरी १२ स्पर्धामा खेल हुने छ । प्रतियोगिता काठमाडौं जिल्लास्तरीय राष्ट्रपति रनिङ सिल्डका लागि खेलाडी छनोट गर्न आयोजना गरिएको हो । पहिलो हुने खेलाडी छनोट हुने छन् ।

तातोपानीमा राष्ट्रव्यापी महिला भलिबल
भोटेकोशी गाउँपालिकाको आयोजनामा भोटेकोशी गाउँपालिका अध्यक्ष कप राष्ट्रव्यापी महिला भलिबल प्रतियोगिता बैशाख ८ गतेदेखि हुने भएको छ ।
प्रतियोगितामा नेपाल आर्मी क्लब, नेपाल प्रहरी क्लब, नेपाल एपीएफ क्लब, न्यु डायमन्ड क्लब, ढोरपाटन प्रशिक्षण केन्द्र, बालाजु र सिन्धुपाल्चोक भलिबल संघ गरी ६ टिमको सहभागिता रहने प्रतियोगिता व्यवस्थापन मुल समितिका संयोजक कुमार श्रेष्ठले बिहीबार आयोजित पत्रकार सम्मेलनमा जानकारी गराए ।
विजेताले ३ लाख, उपविजेताले २ लाख, तेश्रोले १ लाख र चौथोले ५० हजार नगद पुरस्कार प्राप्त गर्ने छन् । सर्वोत्कृष्ट खेलाडीलाई २० हजार नगद प्रदान गरिने छ । विधागत उत्कृष्टतर्फ स्पाइकर, सर्भर, डिफेन्स, ब्लकर, सेटर र प्रशिक्षकलाई जनही ७ हजार नगदबाट पुरस्कृत गरिने छ । प्रत्येक खेलको ‘प्लेयर अफ म्याच’ लाई २ हजार नगद पुरस्कार दिइने छ ।
बैशाख ११ गतेसम्म चल्ने प्रतियोगिताका खेलहरु भोटेकोशी गाउँपालिका वडा २ स्थित तातोपानी आधारभूत विद्यालयमा खेलाइने छ । आयोजक गाउँपालिकाका अध्यक्ष राजकुमार पौडेलले राष्ट्रिय खेल भलिबलसंगा जोडिन पाउँदा खुशी लागेको बताए ।

फेसबुक प्रतिक्रिया
सम्बन्धित शीर्षकहरु