
काठमाडौं ।राष्ट्रिय दुग्ध विकास बोर्डले स्थापनाको २९ औं वर्ष पार गरेको छ । २०४८ सालमा स्थापित बोर्ड सुक्रबार ३० औं वर्षमा प्रवेश गरेको हो ।बोर्डको स्थापना दिवसको अवसरमा दुग्ध क्षेत्रसँग सम्बन्धित सरोकारवालाले बधाइ तथा शुभकामना व्यक्त गरेका छन् ।
नेपाल डेरी एसोसिएशनले शुक्रबार विहानै शुभकामना वक्तव्य जारी गरेको छ ।वोर्डले गरेका कार्य मध्ये दुई महत्वपूर्ण कार्य “नो रिटर्न र दुध ढुवानी सवारी साधनमा प्रयोग हुने लोगो ” सदा सम्झन लायक रहेको एसोसिएशनले जनाएको छ ।
अध्यक्ष राधाकृष्ण सापकोटा र महासचिव प्रल्हाद दाहालको नामबाट जारी शुभकामना वक्तव्यमा राष्ट्रिय दुग्ध नीति तत्काल कार्यान्वयन गर्न समेत अनुरोध गरिएको छ ।
“यो कोभिड – १९ का कारण आफ्ना अर्बौंको उत्पादन धुलो दूध र बटर गोदाममा थन्किएर बसेकोले चालु पुजी अभाव भैइ दैनिकि चल्नै अफ्ठ्यारो परिस्थिति उत्पन्न भएकोले दुग्ध क्षेत्रको यो अत्यन्त कठिक अवस्थामा वोर्डको महत्वपूर्ण भूमिकाको अपेक्षा गरिन्छ,” एसोसिएशनले भनेको छ ।


