दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

यो हो देश

न्यूजलाईन्स् मिडिया संवाददाता
प्रकाशित मिति : २०७८ जेष्ठ ११ गते, मंगलवार ७:३६

यो हो देश

यो हो देश सुवर्ण मण्डित धरा छानो छ संसारको
सजाएर सधै छ रात निलीमा विस्कुन चम्किएको
विहानी पछि स्वच्छ स्वेत हिमको घुम्टो यही ओड्दछ
पाखा पंखर जे जति जडि बुटी जंगल स्वयं गोड्दछ ।। १ ।।

फुलेकै छ गुराँस यि धर धरारंगिन भो जंगल
गर्छन ध्यान शिवालय छ शिवको दर्वार त्यो झल्मल
डाँफेको छ रमाईलो फुरुफरु नौ रंग कस्ले दियो
मयुरैहरु नाच्न फाँट छ यहाँ यो स्वर्ग जस्तै भयो ।। २ ।।

के के छन जति जिव जन्त महिमा तिन्को बताउ कति
गैडाले अब छेक भन्छ सहजै गोली परुन जे जति
हाती कुर्लिरहेछ नास्न अबलौ तैयार हौ दुष्टको
को हो भन्दछ कोइली पनि यहाँ खोला र नाला लुट्यो ।। ३ ।।

यस्तो अस्त र व्यस्त जीवन भरि गाडेछ कस्ले खिल
मान्छेलाई दिएर कष्ट अहिले आफू छ त्योढल्मल
देशैलाई दिएर बन्धक सधै गर्छु म साशन भनि
लागेकै छ अनेक ताकत लिई यौटा अधम त्यो पनि ।। ४ ।।

त्यस्तालाई उखेल्न सक्छु म स्वयं लागिरहे छु यहाँ
बोकी आज मशाल झोस्छु मुखमा उम्केर जाला कहाँ
यो मातृभूमी हो मुटु सरी सधै प्यारो छ यो आश्रम
जन्मि हुर्र्की बढेँ म गर्छु यसकै सेवा खन्याई श्रम ।। ५ ।।

शुभ विहानी
बाबाधामको कोसेली
११ जेष्ठ २०७८
शिव अधिकारी
बाबाधाम कोटेश्वर काठमाण्डौ

फेसबुक प्रतिक्रिया
सम्बन्धित शीर्षकहरु