दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

बेसहारा बनेकी रबिना मानवसेवा आश्रमको जिम्मामा

न्यूजलाईन्स् मिडिया संवाददाता
प्रकाशित मिति : २०७५ श्रावण ३ गते, बिहीबार १३:२६

काठमाडौं-बेसहारा अवस्थामा पुगेकी जाजरकोटकी रबिना बादीलाई राजधानीको सामाखुसीमा रहेको मानवसेवा आश्रमले जिम्मा लिएको छ । रिपोर्टर्स क्लब नेपालमा समाजसेवी सरु सुनार, किशोर सुनुवार लगायतले पत्रकार सम्मेलन गरेर रबिनालाई उक्त आश्रमको जिम्मा दिएका हुन् ।दलित, महिला र उत्पीडितहरुको हितमा काम गर्दै आएकी समाजसेवी सुनारले रबिनाले राज्यबाट न्याय पाउन नसकेको गुनासो पोखेकी छिन् ।

उनले भनिन्,‘हामीले सामाजिक सञ्जालमा रबिना बादीको दुखान्तपूर्ण भिडियो भेट्यौं, त्यसपछि उहाँको उद्धारमा जुटेका थियौं, नेपालको कानूनले पूर्ण रुपमा दोषी मानिएको छुवाछुतले अझैंपनि समाजमा ब्याप्त जरा गाढिरहेकै छ, राज्यले यस प्रकारको अत्याचारलाई निर्मुल गर्नको लागि कडा सजाय तोक्नुपर्छ ।’उनले भनिन्,‘महिला पुरुषको न्यानो ओछ्यानमात्रै हुन ? के शारिरिक सम्बन्धको लागि मात्रै हुन ? रबिनालाई सूरुमा परिवारको सल्लाहमै बिवाह गरेको र पछि बादीकै छोरी भएको कारण बर्दियाका श्यामलाल ओलीले घर निकाला गरेका छन्, उनलाई प्रहरी प्रशासनले तत्काल प्रक्राउ गरेर कानून बमोजिमको कारबाही गरोस् ।’

पत्रकार सम्मेलनमा पीडित रबिना बादीले श्रीमान श्याम ओलीले सार्वजनिक रुपमा आएर आफू र पाँच महिनाको छोरालाई स्विकार गरोस् भन्ने ईच्छा प्रकट गरेकी छन् ।उनले अघि थपिन्, ‘हिजोको दिनहरुमा हामीले सहमतिमै बिवाह गरेका हौं, आज घरपरिवार सबै मिलेर मलाई अन्यायमा पार्ने खोजियो, पाँच महिनाको छोरा छ, यस बाबुको के दोष छ र ? यसको भविष्य र मेरो जीवनको पूर्ण रुपमा जिम्मा श्यामलाल ओलीले नै लिनुपर्छ, त्यसको लागि सरकारले उनलाई कुन प्रकारको सजाय र जिम्मा दिने हो त्यो गर्नुपर्यो ।’

उनले अघि थपिन्,‘कामको सिलशिलामा नुवाकोट जाउँ भनेर मलाई नेपालगंज बसपार्कमा ल्याएर अपलपत्र पारे, उनी आफू भागेका छन्, कैलाली, बर्दिया र काठमाडौंको प्रशासनले कुनै प्रकारको न्याय दिन सकेन, पछिल्लो समय सरु दिदी लगायतको सहयोगमा म राजधानी आईपुगेकी छु, अब यतै बसेर न्यायको लागि लडाई लड्नेछु ।’कार्यक्रममा समाजसेवी किशोर सुनुवार, मानवसेवा आश्रमका सुमन बर्तौला, महिला तथा बालबालिका सेवा हाउस कैलाली अध्यक्ष जानकी मरासिनि लगायतले पीडित रबिना बादी र उनका पाँच महिनाका छोराको भविष्य सुनिश्चत गर्न सबैलाई आग्रह गरेका छन् ।

फेसबुक प्रतिक्रिया
सम्बन्धित शीर्षकहरु