दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

हराएकी मायाको खोजी गरिदिन परिवारको आग्रह

न्यूजलाईन्स् मिडिया संवाददाता
प्रकाशित मिति : २०७८ जेष्ठ २८ गते, शुक्रबार १२:२२

काठमाडौं । ८ दिनदेखि हराएकी माया गुरुङ भनिने रितु थापाको खोजी गरिदिन परिवारले आग्रह गरेको छ ।
काठमाडौंको बुढानीलकण्ठ बस्दै आएकी गुल्मीको सिसाखानी ९ की उनी जेष्ठ २१ देखि सम्पर्कविहीन छिन् । वडा नम्वर ३ पार्क भिलेज नजिकै शान्ता कुँवरको घरमा डेरा गरी बस्ने उनी हराएपछि कुँवरले नै हराएको अर्को दिन महानगरीय प्रहरी प्रभागमा खोजतलास गरिदिनुहुन भनी निवेदन दिएका थिए । प्रभागका प्रहरी निरीक्षक राजकुमार तामाङले हराएकी मायाको खोजी भइरहेको जनाए । ‘हामीले उपत्यकाका सबै प्रहरी कार्यालयमा खोजतलासको लागि जानकारी गराइसकेका छौं’ प्रहरी निरीक्षक तामाङले भने ‘हराएकाको मोवाइल सम्पर्कमा आएकासँग पनि सोधखोज हुँदैछ, त्यति धेरै जनासँग मोवाइल सम्पर्क गरेको देखिएको छैन ।’ तामाङले हराएकी मायाको हुलियासहित अन्य जिल्ला र क्षेत्रहरुमा पनि परिपत्र गरिएको र आफ्नो तर्फबाट पनि अनुसन्धान र खोजी भइरहेको स्पष्ट पारेका छन् । सामान्य लेखपढ गरेकी, गहुँगोरी, अन्दाजी ५ फिट उचाइकी उनी घरबाट निस्किँदा कालो सुरुवाल र खैरो टी सर्ट लगाएको हुन सक्ने अनुमान छ ।

नागरिकता अनुसार ३१ वर्षकी मायाका दुई छोरी रहेका छन् । उनी सम्पर्कविहीन भएपछि परिवारले आफन्तकोमा समेत खोजी गरेको छ । कतै पनि फेला नपरेपछि सामाजिक सञ्जालमार्फत पनि परिवारले खोजी गरिदिन र कतै फेला परेमा ९८६७५६४३६५ (मिलन), ९८४९००६५९० (शान्ता), ९८६७५८७५५१ (चन्द्रा), ९८४४८२१५३५ (ललित) लाई जानकारी दिनुहुन सर्वसाधरणलाई आग्रह गरेको छ ।

फेसबुक प्रतिक्रिया
सम्बन्धित शीर्षकहरु