दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

आइतबार देखि बन्द भएको लाइसेन्सको आवेदन खुल्ने

न्यूजलाईन्स् मिडिया संवाददाता
प्रकाशित मिति : २०७५ श्रावण ८ गते, मंगलवार १८:०५

काठमाडौं–करिब डेढ महिनादेखि बन्द भएको सवारी चालक अनुमतिपत्र(लाइसेन्स)को आवेदन आगामी आइतबारदेखि खुल्ने भएको छ। यातायात व्यवस्था विभागले साउन १३ गतेदेखि आवेदन खुला गर्ने निर्णय गरेको हो।

विभागका निर्देशन तुलसीराम अर्यालका अनुसार उपत्यकासहित देशैभरीका कार्यालयमा अआइतबारदेखि नयाँ लाइसेन्सका लागि आवेदन खुलाउने निर्णय भएको छ।गत जेठ २३ गतेदेखि विभागले आवेदन बन्द गरेको थियो। लिखित परिक्षा पास भएर ट्रायलमा फेल भएकाहरुलाई पुनः ट्रायल गराउन र राजश्व लगायत हिसाब मिलान गर्नुपर्ने भन्दै नयाँ आवेदन रोकिएको थियो।

अहिले लाइसेन्सका लागि अनिवार्य रुपमा अनलाइन फर्म भर्नुपर्ने विभागले जनाएको छ। विभागको वेभसाइडमा गएर फर्म भर्नुपर्ने हुन्छ।उपत्यकामा एकान्तकुनासहित स्वयम्भु, सुकेधारा तथा जगातीस्थित यातायात कार्यालयबाट लाइसेन्सको परिक्षा तथा ट्रायल हुुने गरेको छ।

२ लाख चालक चिटको भरमासमयमा लाइसेन्स प्रिन्ट नहुँदा करिब २ लाख चालकहरु ट्रायल पास गरेको चिटको आधारमा सवारी चलाइरहेका छन्। स्मार्ट लाइसेन्स छाप्ने ठेक्का पाएको भारतको मद्रास सेक्युरिटी प्रिन्टर्सका कारण सर्वसाधरणले समस्या भोगिरहेका हुन्।मद्रास प्रिन्टर्सले थोरै मात्र प्रिन्टर ल्याएको र भएका पनि बिग्रिरहने भएकाले लाइसेन्स प्रिन्टमा समस्या भएको हो।

एक वर्षअघि ट्रायल पास गरेका चालकहरुले समेत लाइसेन्स पाउन सकेका छैनन्।मद्रासले सुरुमा कमसल र त्रुटिपूर्ण लाइसेन्स छापेको थियो। पछि सम्झौताअनुसार प्रिन्टर नल्याउँदा समस्या भएको यातायात व्यवस्था विभाग स्रोत बताउँछ।विभागका निर्देशक अर्याल भने सो कम्पनीले नयाँ प्रिन्टरहरु ल्याइसकेकाले अब समस्या नहुने दाबी गर्छन्।

 

फेसबुक प्रतिक्रिया
सम्बन्धित शीर्षकहरु