दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

पूर्वमन्त्री पाण्डे डिस्चार्ज, स्वास्थ्यमा सुधार हुदैँ

न्यूजलाईन्स् मिडिया संवाददाता
प्रकाशित मिति : २०७८ श्रावण २९ गते, शुक्रबार ११:४५

काठमाडौ ।लुम्बिनी प्रदेशको निवर्तमान उद्योग वन तथा वातावरण मन्त्री कल्पना पाण्डे अस्पतालबाट डिस्चार्ज हुनु भएको छ । साउन १० गते देखि नर्भिक इन्टरनेसनल अस्पतालमा उपचाररत पूर्वमन्त्री पाण्डेको स्वास्थ्यमा सुधार भएपछि शुक्रबार डिस्चार्ज गरिएको हो ।

पूर्वमन्त्री पाण्डे नशा सम्बन्धी रोग गियान ब्यारे सिन्ड्रम (जिविएस) बाट संक्रमित हुनु भएकाे थियाे । गत साउन ९ गते मन्त्रालयको कार्यक्रममा सहभागी भएर घर फर्किदा खुट्टा झम्झमाउने र मुटु दुख्ने समस्या देखिएपछि पूर्व मन्त्री पाण्डेलाई भैरहवा स्थित भिम अस्पतालमा लगिएको थियो । भिम अस्पतालमा सामान्य उपचारपछि बुटवल स्थित गौतमबुद्ध मुटु अस्पतालमा पनि उपचार सम्भव नभएपछि काठमाडौँ स्थित नर्भिक इन्टरनेसनल अस्पतालमा भर्ना गरिएको थियो ।

घुडाँ भन्दा मुनी खुट्टा नचल्ने अवस्थामा नर्भिक अस्पतालका डाक्टर पंकज जलान सहितको टिमले परिक्षण गर्दा जिविएस रोग लागेको पत्ता लागेको थियो । ‘जिविएस निकै गम्भिर रोग हो । यो रोग निको हुन २ वर्ष सम्म पनि लाग्ने गर्छ ’, पूर्वमन्त्री पाण्डेको उपचारमा संलग्न डाक्टर जलानले भन्नुभयो ‘मन्त्री ज्यूको उच्च मनोबल र शरिर भरि सक्रमण फैलिन नपाउँदै अस्पतालमा भर्ना भएकाले उहाँलाई कम समयमै सन्चो भएको हो ।’

पूर्वमन्त्री पाण्डेको स्वास्थ्यमा पूर्ण सुधार हुन कम्तिमा एक महिना लाग्ने उपचारमा संलग्न चिकित्सकले जनाएका छन् । पूर्ण निकाे नहुदाँ सम्म नियमित फिजियो थेरापी गराउनु पर्ने चिकित्सककाे भनाई छ ।

अस्पतालबाट डिस्चार्ज हुदैँ गर्दा पूर्व मन्त्री पाण्डेले उपचारमा संलग्न डाक्टर, नर्स, अस्पताल प्रशासन लगायत सम्पूर्ण कर्मचारीप्रति आभार प्रकट गर्नु भएको छ । ‘डाक्टरहरूको मेहनत, आफन्त नेता, कार्यकर्ता, अग्रजको आशिर्वादले नयाँ जिवन प्राप्त गरेको छुँ ’ उहाँले भन्नु भयो ,‘ केही समय थेरापी पछि हिँडडुल गर्न सक्छु होला । स्वस्थ्य भएपछि राजनीति मार्फत नेपाल जनताको सेवामा सक्रिय हुनेछुँ ।’

फेसबुक प्रतिक्रिया
सम्बन्धित शीर्षकहरु