
१६ भदौ, काठमाडौं । मोडल तथा कलाकार निशा घिमीरेको उपचारका क्रममा मृत्यु भएको छ ।
लामो समयदेखि नर्भिक इन्टरनेशनल अस्पतालमा उपचारत निशा घिमीरेको बुधवार बेलुका निधन भएको अस्पतालले जानकारी दिएको छ ।
अस्पतालका प्रवक्ता सोमनाथ बास्तोलाका अनुसार बुधवार बिहानदेखि गम्भीर अवस्थामा रहेकी घिमीरेको बेलुका मृत्यु भएको हो ।
वास्तोलाका अनुसार लगातारको उपचारमा पनि घिमीरेको स्वास्थ्यमा अपेक्षित रुपमा सुधार आउन नसकेको तथा अक्सिजनको सहयोगमा सिसियुमा राखेर उपचार गरिएको थियो ।


