दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

गुरुङको नेतृत्वमा ‘सेभ द नेशन मुभमेन्ट’ सुरु

न्यूजलाईन्स् मिडिया संवाददाता
प्रकाशित मिति : २०७८ आश्विन २ गते, शनिबार १९:५५

काठमाडौं । सेभ द नेशन मुभमेन्टले देशको रक्षा र जनताको हक अधिकार स्थापनाको लागि आफ्नो अभियान सुरु गरेको छ ।
काठमाडौंमा शनिबार आयोजित सेभ द नेशन मुभमेन्ट घोषणाको पत्रकार सम्मेलनमा कार्यक्रममा संयोजक काशिराम (प्रसाद) गुरुङले अभियान सबैको साझा भएकाले यसलाई सफल पार्न राजनीतिक दल र सर्वसाधारणको पनि सहयोगी भूमिका रहनुपर्ने बताए । उनले राजनीतिक दलहरु र नेताहरुको गलत सोचका कारण देशले विकासमा फड्को मार्न नसकेको स्पष्ट पारे । राष्ट्रियतामाथि संकट आइपर्दा कुनै पनि नागरिक चुप लागेर बस्न नहुने बताए । उनले दिनैपिच्छे राष्ट्र र राष्ट्रियता संकटमा पर्दैै गरेकाले अयिभान थालेको पनि स्पष्ट पारेका छन् । मुभमेन्टले पटकपटक भएको राजनीतिक परिवर्तनपछि पनि कुनै पनि पार्टीहरुले जनताको पक्षमा काम नगरेको ठहर गरेको छ । गाउँका जनता सामान्य बिरामी हुँदा सिटामोल खान नपाएको तर नेताहरु भने विदेशमा उपचार गर्न प्रतिष्पर्धा गरिरहेकोमा पनि उनले आपत्ति जनाए ।
मुभमेन्टले संविधान परिमार्जन गर्न पनि सरकारसँग माग गरेको छ । संयोजक गुरुङले संविधान परिमार्जन गर्नुपर्ने नभए खारेज नै गर्नुपर्ने तर्क राखेका छन् । मुभमेन्ट सबैको साझा भएको र यसमा राजनीति नमिसिएको उनको भनाई छ । उनले भोलिको दिनमा यही अभियानले पार्टीको रुप लिने र देशव्यापी संगठन गर्न सकिने पनि जनाए । संयोजक गुरुङले सरकारले शिक्षा, स्वास्थ्य र रोजगार दिने नाममा व्यापार गरेको आरोप लगाए ।
उनले राष्ट्रिय एकता, राष्ट्रिय स्वाधिनता, स्वतन्त्रता, मानव अधिकारको रक्षा गर्नेलगायतका योजना अघि सारेर मुभमेन्टको सुरुवात गरिएको बताए । उनले सबैको अधिकार स्थापना नहुन्जेल मुभमेन्ट नरोकिने समेत दाबी गरे । भ्रष्टाचार निर्मूल गर्ने र नेपाललाई शान्ति क्षेत्र बनाउन अन्तर्राष्ट्रिय समन्वय गरी समृद्ध नेपाल निर्माण गर्ने पनि मुभमेन्टको लक्ष्य रहेको छ ।
अर्को प्रसंगमा युनिटी लाइफका अध्यक्षसमेत रहेका गुरुङले पीडितको पैसा फिर्ता दिने घोषणा गरेका छन् । उनले युनिटीबाट पीडित भएकाहरुको पैसा फिर्ता दिन तयार भए पनि सरकारले रोक लगाएको समेत बताए ।

फेसबुक प्रतिक्रिया
सम्बन्धित शीर्षकहरु