दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

पछिल्लो २४ घण्टामा ११५७ जनामा कोरोना पुष्टि, ८ जनाको मृत्यु

न्यूजलाईन्स् मिडिया संवाददाता
प्रकाशित मिति : २०७८ आश्विन १३ गते, बुधबार १८:२०

काठमाडौं । नेपालमा पछिल्लो २४ घण्टामा ११५७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पिसीआर र ऐन्टिजेन विधिबाट गरिएको १४ हजार ५४१ नमुना परीक्षणमा ११५७ जनामा कोरोना संक्रमण पुष्टि भएको हो ।

नेपाल हालसम्म पिसीआर र ऐन्टिजेन दुवै विधिबाट गरिएको ४७ लाख ७१ हजार ४५२ नमुना परीक्षणमा आज थपिएका ११५७ जनासँगै हालसम्म संक्रमित हुनेको संख्या ८ लाख ८५ हजार ५३६ जना संक्रमित भएका छन् ।

त्यस्तै आज १११३ जना कोरोना संक्रमणबाट मुक्त भएका छन् । आज संक्रमण मुक्त भएका १११३ जनासँगै नेपालमा कोरोना संक्रमणबाट मुक्त हुनेको संख्या ७ लाख ६४ हजार ८४७ रहेको छ । नेपालमा पछिल्ला केही सातायता संक्रमित हुने भन्दा निको हुनेको संख्या बढिरहेको छ ।

त्यसैगरी पछिल्लो २४ घण्टामा ८ जनाको मृत्यु भएको छ । आज थपिएका ८ जनासँगै मृतकको संख्या ११ हजार १२३ पुगेको छ ।

मन्त्रालयका अनुसार हाल देशैभरी १८ हजार १९३ जना सक्रिय संक्रमित रहेका छन् । ती मध्ये १६ हजार ८७८ जना होम आइसोलेशन र १३१५ जना संस्थागत आइसोलेशनमा रहेका छन् । साथै विभिन्न अस्पतालका आइसीयुमा ३५४ जना आइसीयुमा र ९९ जना भेन्टिलेटरमा उपचाररत छन् । आज भेन्टिलेटर र आइसीयुमा उपचार गराउनेको संख्या पनि घटेको छ ।

नेपालमा हालसम्म कोरोना भाइरसविरुद्धको खोपको पहिलो मात्रा लिनेको संख्या ७२ लाख १४ हजार ७४२ जना र ६२ लाख ३८ हजार १ जनाले दोस्रो मात्राको खोप लगाइसकेका छन् । साथै पछिल्लो २४ घण्टामा देशैभरी २ लाख ८६ हजार १४५ जनालाई कोरोना भाइरस विरुद्धको खोप लगाइएको छ ।

फेसबुक प्रतिक्रिया
सम्बन्धित शीर्षकहरु