दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

एनआरएनए सह–कोषाध्यक्षमा युकेबाट ललित न्यौपानेको उम्मेदवारी , के छन न्यौपानेको एजेण्डा ?

न्यूजलाईन्स् मिडिया संवाददाता
प्रकाशित मिति : २०७८ आश्विन १४ गते, बिहीबार १५:१६

काठमाडौं । गैरआवासयि नेपाली संघ एनआरएनए अभियन्ता ललितकुमार न्यौपानेले आगामी अक्टोबरमा हुन गैरहेको गैरआवासीय नेपाली संघको १० औं महाधिवेशनमा सह-कोषाध्यक्ष पदमा बेलायतबाट उम्मेदवारी दिने जनाएका छन ।
एनआरएनए यूके राष्ट्रिय समन्वय परिषदमा करिब एक दशकसम्म कार्यकारी सदस्य, सहकोषाध्यक्ष हुँदै उपाध्यक्षसम्मको जिम्मेबारी सफलतापुर्बक निर्वाह गरिसकेका न्यौपानेसँग एक कार्यकाल आइसीसी सदस्य (२०१९–२०२१) पदमा रही कार्य गरेको अनुभब पनि रहेको छ ।
नेपालमा राष्ट्रिय बाणिज्य बैंकमा प्रबन्धकको जिम्मेवारी निभाएका न्यौपानेले करिब ३५ बर्ष बित्तिय क्षेत्रमा कार्य गरेको अनुभब छ । हाई स्किल्ड माइग्रेन्टका रुपमा सन् २००५ मा बेलायत आएका न्यौपाने अहिले बेलायत र नेपालमा प्रोपर्टी, हस्पिटालिटी, हाइड्रो र क्रिप्टोकरेंसीलगायतका क्षेत्रमा ब्यबसाय संचालन गरिरहेका छन । एमए, बिएलसम्मको अध्ययन पूरा गरेका न्यौपाने अध्यात्म र साहित्यमा पनि रूचि राख्छन् ।
पशुपति मन्दिर लण्डनको ट्रस्टी मेम्बर रहेका न्यौपानेले जीवन विज्ञान यूकेको स्थापनाका लागि विशेष पहल गरेका थिए । उनी अन्तरास्ट्रिय स्तरमा क्रियाशिल ‘प्रो इलाइट क्लब’ मा पनि सक्रिय छन् । जीवन बिज्ञानको माध्यमबाट सबैलाई मन, विचार र कर्म स्वस्थ्य र शुद्ध राख्न तथा प्रो इलाइट क्लब मार्फत लगानी सम्बन्धि ज्ञानका अनुभव बाड्दै सबैलाई सम्बृद्ध बनाउन क्रियासिल रहेका छन ।
सामाजिक कार्य र च्यारिटी संस्थामा आबद्ध उनी बेलायतस्थित धेरै संघसंस्थामा सल्लाहकारका रुपमा कार्यरत छन । सामाजिक संस्थाहरुमा मन खोलेर आर्थिक सामाजिक सहयोग गर्ने सहयोगी मनका धनिका रुपमा बेलायतमा चिनिएका छन न्यौपाने ।


बिस्वको ४९ रास्ट्र भन्दा बढी राष्ट्रहरुमा संजाल रहेको अन्तरराष्ट्रिय झापाली समाजका बर्तमान उपाध्यक्ष रहेका छन न्यौपाने । संस्थाको अन्तरिक सुशासन, पारर्दर्सिता, आत्मनिर्भरता, एकता, संघको प्रभावकारितामा बिसेष पहल गर्ने बिबिध योजनासहित सामाजिक र वित्तीय क्षेत्रमा लामो समय काम गरेको अनुभब संघमा लगाउने उद्देस्यले एनआरएनए एनसिसीको सह कोषाध्यक्ष पदमा उम्मेदवारी दिएको न्यौपानेले बताए । न्यौपानेले विश्वमा रहेका गैरआवासिय नेपालीलाई आफुलाई समर्थन गर्न आग्रह गरेका छन ।

फेसबुक प्रतिक्रिया
सम्बन्धित शीर्षकहरु