
सातौ दिन कालरात्रीको पूजन तथा फूलपाती
भागुन ति वैरीहरु
सातौ दिन शुभाषिशै सलिलता देवी प्रभा सादगी
कोसौको महिमा समेटी बटुवा धाएर घरमा पुगी
पाती फुल र सौम्यता बल धुरी अग्ल्याउने दिन यो
केरा दारिम धान कर्चुर अनि माने र बेलै लियो ।। १ ।।
यतिले नि पुगेन नौथरी त्यहाँ अशोक् हलेदो पनि
जयन्ति अति स्वच्छ नाम छ त्यहि भित्य्राउने हो भनि
जायी जंगलमा सबै चिज लिई आएर घर घर सबै
साईत जो छ मिलाई पूजन थलो सजाउदै छन खुबै ।। २ ।।
हो यो विघ्न निवारणी सतहको धारा बगेको दिन
फुल्पाती नवरत्नको लहर हो जान्छन सबै त्यो लिन
प्रत्येक फुल र पातीको नउ नउ भित्य्राउनु पर्दछ
यै सौभाग्य सुधामृताधी रसले संसार नै भर्दछ ।। ३ ।।
ब्रह्माणी अनि रक्तचण्डिका त्यही लक्ष्मी र दुर्गा पनि
चामुण्डा जव कालिका अनि शिवा छन शोकको हारिणी
देवी कार्तिकी साथ पूजन हुने नौलो छ मौका अब
यस्तै सज्जित साधना भरि सधै पूजा हुने भो जब ।। ४ ।।
इन्द्रले जब बृतासुर, शिवले त्रिपुर भेदन गरे
विष्णुले मधुकैटभादी सुरको हत्या गरेका अरे
राम्ले रावण मार्नुभो विजयको माला बन्यो सुन्दर
देवि शक्ति भरिन्छ युग भरिको अर्को यहाँ कुन्छर ।। ५ ।।
कालो रात्री भनेर देवी अबलौ गर्छौ सबै पूजन
कोभिड काल हटाउ एमसिसि पनि लागोस विरानु हुन
कृृषिकै महिमा छ पात र ध्वजा देवी पूजा गर्दछौ
माटोको पृति पास धान बटुली भण्डार यो भर्दछौँ ।। ६ ।।
देशै औषधी युक्त बन्छ बनको बुट्टीहरुले पनि
हाम्रो शान बढाई द्यौन सुकृति संसार हाके भनि
पानी कल्कल धर्तिको शिर मनि अमृत धारा झरि
संसारै छ पवित्र प्यास यसले मेटिन्छ चाडो गरि ।। ७ ।।
यै सौम्यशीलता छ गुञ्जन यहाँ बाजा नगरा पनि
डम्बरु अनि शंख बज्छ सहजै आशिष बर्षोस भनि
घण्टा टिन्टिन बज्छ घर्घर सबै बजाउँछन डम्बरु
संसारै शुख शान्ति ढाक्न बल द्यौ भागुन ति बैरीहरु ।। ८ ।।
बाबाधामको कोसेली २६ आश्विन २०७८
शिव अधिकारी
बाबाधाम कोटेश्वर काठमाण्डौ


