
काठमाडौं । नेपालगन्जबाट मुगु जाँदै गरेको बस दुर्घटना हुँदा बसमा सवार यात्रुमध्ये २३ जनाको मृत्यु भएको छ ।
जिल्ला प्रहरी कार्यालय मुगुका अनुसार नेपालगन्जबाट मुगुको गमगढीतर्फ गइरहेको भे १ ख ३१६७ नम्बरको बस मंगलबार साढे १२ः५० मा छायानाथ रारा नगरपालिका ७ को पिनाटपने खोलमा २ सय मिटर तल खसेर दुर्घटना हुँदा त्यसमा सवार २३. जनाको मृत्यु भएको हो ।
मुगुका प्रमुख जिल्ला अधिकारी रोम बहादुर महतले दुर्घटनामा २३ जनाको मृत्यु भएको संचारमाध्यमलाई जानकारी दिएका छन् । उनले उद्धार कार्य जारी रहेको र घाईतेहरुलाई उपचारका लागि लैजान हेलिकप्टर मगाइएको समेत उनले जानकारी दिएका छन् ।
त्यसैगरी नगरपालिका प्रमुख हरिजङ्ग साहीले घटनामा २५–२६ जना घाईते भएको र केहीको अवस्था गम्भीर रहेको संचारमाध्यमलाई जनाएका छन् । विस्तृत विवरण आउन बाँकी ।


