दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

फूल व्यवसायी यतिबेला निकै व्यस्त

न्यूजलाईन्स् मिडिया संवाददाता
प्रकाशित मिति : २०७८ कार्तिक ७ गते, आईतवार ९:१०

भक्तपुर, कार्तिक ७। सूर्यविनायक नगरपालिका–७ गुन्डु गाउँ मखमली, सयपत्री तथा गोदावरीको सुगन्धले मगमगाएको छ । तिहार आउन अझै १५ दिन बाँकी छ तर यहाँका किसान, गृहिणीलगायत फूल व्यवसायी यतिबेला निकै व्यस्त छन् ।

यस भेगका खेतबारी, करेसाबारी, टनेलका भुुँइ सेता, गुलावी, पहेँला, मरुन रङ्गीन फूलले छपक्क छोपेको छ भने स्थानीयवासीलाई फूल टिप्ने, माला बनाउने चटारोले भ्याइनभ्याई छ । किसानले खेतमा धानका साथै नगदेबालीका रूपमा फूल रोप्दै आएको २० वर्षभन्दा बढी भएको अगुवा फूल किसान अनिता बस्नेत बताउन्छिन् ।

हाल व्यावसायिक रूपमै टनेल बनाएर फूल व्यवसाय गर्ने व्यवसायी पनि बढ्दै छन् । यस क्षेत्रका किसानले असार, साउनदेखि नै मखमली फूल टिपेर माला गाँस्न थाल्छन् । असोज र कात्तिक (तिहार) अगाडि फूल टिप्ने र गाँस्ने काम चलिरहेको छ ।

नेपालका अन्य क्षेत्रमा धान खेतको आलीमा मास, भटमास र बोडी रोप्ने चलन हुन्छ भने यहाँका किसानले मखमली फूल नै रोप्ने गरेका छन् । तिहारको विशेष आकर्षण तथा महत्वका मखमली, सयपत्रीको फूलको रौनकले गाउँ नै रङ्गीन छ । बिहान फूल टिप्ने र दिनको समयमा फूलको माला बनाउन यहाँका किसान एक÷अर्कामा अर्मपर्म नै गर्छन् । मखमलीको माला नओइल्याउने भएकाले माला गाँस्ने काम धमाधम भइरहेको हो ।

साँस्कृतिक पर्व तिहारमा विशेष माग हुने र नजिकको बजार (काठमाडौ)लाई ध्यानमा राखी स्थानीयवासीले फूल रोप्दै आएका छन् । फूलकै माध्यमबाट गाउँमै महिलाले राम्रो आयआर्जन गर्दै आएको फूल व्यवसायी रचना बस्नेतको भनाइ छ । उनले विगत १० वर्षदेखि मखमली फूल रोप्दै आएकी छन्। धान, मकै खेती गर्नुभन्दा फूलखेतीमा करिब आठगुना बढी नै आर्थिक लाभ लिन सकिने उनको अनुभव छ ।

फूल खेती गर्ने किसानले वार्षिक १५ हजारदेखि ५५ हजार रुपैयाँसम्म प्रतिएक घरले कमाउँछन् भने व्यावसायिक रूपमा खेती गर्नेले दुई लाखदेखि सात लाख रुपैयाँसम्म आम्दानी गर्ने गरेको आजको गोरखापत्र दैनिकमा खवर छ । file photo

फेसबुक प्रतिक्रिया
सम्बन्धित शीर्षकहरु