
काठमाडौं । पछिल्लो २४ घण्टामा देशैभरी गरिएको १० हजार २८७ नमुना परीक्षणमा ४६९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा ९९, ललितपुरमा ३६ र भक्तपुरमा ५ जना गरी उपत्यकामा २२८ कोरोना संक्रमित थपिएका हुन् ।
आज थपिएका ४६९ कोरोना संक्रमितसँगै हालसम्म संक्रमित हुनेको संख्या ९ लाख ८ हजार १०७ पुगेको छ भने तीमध्ये आज निको भएका ५५५ जनासँगै हालसम्म निको हुनेको संख्या ७ लाख ९२ हजार ८३२ पुगेको छ ।
हालसम्म निको हुनेको यो संख्या ९७.५ प्रतिशत हो ।
त्यस्तै हाल देशैभरी ९ हजार १७४ जना सक्रिय संक्रमित रहेका छन् । ती मध्ये ८ हजार ४६८ जना होम आइसोलेशन र २४१ जना ७०६ जनाको विभिन्न अस्पताल तथा संस्थागत आइसोलेशनमा उपचार भइरहेको छ । हाल देशैभरीका अस्पतालका आइसीयुमा २४१ जना र ७४ जनाको भेन्टिलेटरमा उपचार भइरहेको छ ।
पछिल्लो २४ घण्टामा देशैभरी ११ जना कोरोना संक्रमितको मृत्यु भएको छ । आज थपिएका ११ जनासँगै हालसम्म ज्यान गुमाउनेको संख्या ११ हजार ४२७ पुगेको छ ।
नेपालमा हालसम्म १ करोड ६० लाख ४ हजार १२७ जनाले कोरोना भाइरसविरुद्धको खोप लगाएका छन् । ती मध्ये ८६ लाख ७९ हजार १९८ जनाले पहिलो मात्रा र ७३ लाख २४ हजार ९२९ जनाले दुवैमात्राको खोप लगाइसकेको स्वास्थ्य तथा जनसंख्या मन्त्रालयले जनाएको छ ।


