दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

पूर्व सांसद भण्डारी किन कांग्रेस महाधिवेशनमा उठेनन् ?

न्यूजलाईन्स् मिडिया संवाददाता
प्रकाशित मिति : २०७८ मंसिर ८ गते, बुधबार १७:१२

काठमाडौं । नेपाली काँग्रेसको तर्फबाट २०७० सालको संविधानसभाको निर्वाचनमा दाङ–४ बाट निर्वाचन जितेका पार्टीका महासमिति सदस्य बुद्धिराम भण्डारी यसपालिको महाधिवेशनमा उम्मेदवार नै नभएपछि सबै छक्क परेका छन् ।
शालीन र भद्र नेताका रुपमा पहिचान बनाएका उनले संविधानसभामा एमालेका नेता शंकर पोखरेललगायतलाई हराएका थिए । १३ औं महाधिवेशनमा सर्वाधिक मत ल्याएर महाधिबेशन प्रतिनिधिमा निर्वाचित भएका थिए उनी । १२औं महाधिवेशनमा पनि उनको लोकप्रिय मत नै थियो । उनले पार्टीभित्र चरम गुटबन्दी फस्टाउँदै गएकाले आफू कुनै पदमा उम्मेदवारी नभएको स्पष्ट पारेका छन् । ‘मलाई यसपालि उम्मेदवार बन्न मन लागेन, राजनीति नै अलिक बुझ्न गाह्रो भयो’ उनले भने ‘म पार्टीमा छँदैछु, कुनै पद नलिए पनि पार्टी र जनताको सेवा गर्न पाइहाल्छु त्यसै गर्छु अब ।’
२०४६ सालमा नेपाली काँग्रेसको ९ औं महाधिवेशनयता सबै महाधिवेशनमा भाग लिँदै आएका भण्डारीले यो महाधिवेशनमा कुनै पदमा नउठ्ने घोषणा गरेपछि उनका समर्थक र शुभचिन्तक आश्चर्यमा परेका छन् । जिल्लाको अधिवेशन ११ गते हुँदैछ । उनले पार्टीको महाधिवेशनमा भाग लिँदै गर्दा आफ्नै साथीलाई पनि दुश्मनजस्तो ठान्नुपर्ने अवस्था आएकोमा दुःख व्यक्त गरे । ‘पार्टीभित्र आन्तरिक प्रतिष्पर्धा हुनु स्वाभाविकै हो तर प्रतिष्पर्धा स्वस्थ्य हुनुपर्छ मेरो मान्यता हो ’ उनले भने ‘ हामी विभिन्न तहको निर्वाचनको संघारमा छौं, आफैंभित्र द्धन्द्ध भयो भने त्यो निर्वाचनलाई असर पर्ने भएकाले मैले सहमतिमा जाउँ भनेर जोड दिएको हुँ ।’ उनले धेरै समयअघिदेखि सहमतिको कुरा उठाए पनि जिल्ला तहका, क्षेत्रिय तहका साथै केन्द्रीय नेताहरुले नमानेको समेत जनाएका छन् ।
कार्यकर्तालाई बन्धक गराई होटलमा राखेर आर्थिक प्रलोभनमा पारेर चुनाव जितेर टोल,गाउँ सहरमा नारा जुलुस लगाउँदै अविर जात्रा गर्नु गलत भएको उनले बताए । हार्ने पक्षले नेताहरुलाई धाकधम्की दिने गरेको र पार्टीमा सुकिलामुकिला हावी भएको देखेर आफ्नो मन खिन्न भएको उनले बताए । उनले कांग्रेसलाई जगैबाट सुधार्नुपर्ने खाँचो रहेको बताए ।
२०१५ सालको संसदीय निर्वाचनमा काँग्रेसको नारा चारतारे झण्डा, चुनाव चिन्ह रुख देख्दा आफू काँग्रेस पार्टी प्रति आकर्षित भएको भनाई छ । नेता भण्डारी २०१७ सालदेखि विभिन्न लोकतान्त्रिक आन्दोलनका क्रममा जेलसमेत परेका पुराना र निष्ठावान नेता हुन् ।

फेसबुक प्रतिक्रिया
सम्बन्धित शीर्षकहरु