
काठमाडौं । नेपालमा आज २५५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ६ हजार ४६९ नमुना परीक्षणमा थप २५५ जनामा संक्रमण पुष्टि भएको हो ।
आज थपिएका २५५ जनासँगै नेपालमा हालसम्म कोरोना संक्रमित हुनेको संख्या ९ लाख १६ हजार ८६४ पुगेको छ । साथै आज २५६ जना निको भएसँगै संक्रमणबाट मुक्त हुनेको संख्या ८ लाख २ हजार ९०९ पुगेको छ ।
स्वास्थ्य मन्त्रालयका अनुसार आज २ जना कोरोना संक्रमितको मृत्यु भएको छ । आज मृत्यु भएका २ जनासँगै नेपालमा हालसम्म कोरोना संक्रमणबाट मृत्यु हुनेको संख्या ११ हजार ५२६ पुगेको छ ।
नेपालमा हाल ६ हजार ९३१ जना सक्रिय संक्रमित रहेका छन् । ती मध्ये ६,५८९ जना होम आइसोलेशन र ३४२ जना संस्थागत आइसोलेशनमा रहेका छन् । साथै हाल देशका विभिन्न अस्पतालका आइसीयुमा ११६ जना र ३३ जनाको भेन्टिलेटरमा उपचार भइरहेको छ । सोमबारको तुलनामा आज आइसीयु र भेन्टिलेटरमा उपचार गराउनेको संख्यामा कमी आएको छ ।
नेपालमा हालसम्म १ करोड ८३ लाख १७ हजार ५०८ जनाले कोरोना भाइरसविरुद्धको खोप लगाएका छन् । ती मध्ये ९८ लाख ७९ हजार ६४८ जनाले पहिलो मात्रा र दोस्रो मात्राको खोप लगाउनेको संख्या ८४ लाख ३७ हजार ८६० पुगेको छ ।
त्यसैगरी पछिल्लो २४ घण्टामा २ लाख ११ हजार ५५३ जनाले कोरोना भाइरसविरुद्धको खोप लगाएका छन् ।


