दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

ढाडको सर्जरी गरेका हेमकाजीले रुदैँ भने, – ‘ग्राण्डीले मलाई पुर्नजीवन दियो’

न्यूजलाईन्स् मिडिया संवाददाता
प्रकाशित मिति : २०७८ मंसिर १७ गते, शुक्रबार १५:०२

काठमाडौँ, १७ मङ्सिर । गोरखाका ५४ वर्षीय हेमकाजी गुरुङ । जो अहिले चितवनमा बस्दै आउनुभएको छ ।

उहाँलाई एक महिना पहिले एक्कासी ढाडको समस्या देखियो । ढाडको समस्यासँगै दाईने खुट्टाले काम गर्न छाड्यो । उहाँ उपचारका लागि राजधानी आइपुग्नुभयो ।

मङ्सिर ५ गते उपचारको शिलशिलामा उहाँ ग्राण्डी अन्तर्राष्ट्रिय अस्पताल धापासी पुग्नुभयो । स्पाइन सर्जरीमा अस्पतालको स्थापनाकालदेखि नै कार्यरत डा विनोद विजुक्छेको टिमले उहाँलाई काउन्सिलिङ गरेपछि उहाँ सर्जरीका लागि तयार हुनुभयो ।

अन्ततः उहाँको मङ्सिर ८ गते बुधबार सफलतापूर्वक सल्यक्रिया सम्पन्न भएको छ । “यतिचाँडो सल्यक्रिया सम्पन्न भएर मलाई निका निको होला भन्ने लागेको थिएन,”– हिँजो बिहिबार अस्पतालमा आयोजित एक कार्यक्रममा हेमकाजीले भन्नुभयो ।

हेमकाजी चार वर्षको हुँदा उहाँलाई क्षयरोग भएको थियो । त्यसको झण्डै ५० वर्षपछि एक्कासी एक खुट्टाले काम नगर्ने भएपछि उहाँलाई शल्यक्रिया गर्नुपरेको थियो । उहाँलाई आठ घण्टा ६ मीनेट लगाएर शल्यक्रिया गरिएको थियो । डा विजुच्छे, डा अर्चन अधिकारी, सुजाता निरौला, डा अशोक खड्का, डा अविनाश गुरुङको टिमले उहाँलाई शल्यक्रिया गरेको थियो । बिहिबार आयोजित कार्यक्रममा हेमकाजीले रुँदै भन्नुभयो, ‘मलाई यस अस्पतालले पुर्नजीवन दियो’ । उहाँले आफ्नो उपचारमा खटिने डाक्टर, नर्स र अस्पतालका कर्मचारीलाई धन्यवाद समेत दिनुभयो ।

कार्यक्रममा डा विजुक्छेले हेमकाजीलाई गरिएको शल्यक्रिया स्पाइन सर्जरीको क्षेत्रमा गम्भीर प्रकृतिको शल्यक्रिया भएको बताउनुभयो । “मैले शल्यक्रियाका लागि हेमकाजीलाई विदेश जानसमेत सुझाव दिएको थियाँ, उहाँहरुले होइन नेपालमा नै शल्यक्रिया गर्नुपर्छ भन्नुभयो विरामीले हामीप्रति गरेको आशा र भरोसा अनि हामी डाक्टरहरुको आत्माविश्वासका कारण सफलतापूर्वक शल्यक्रिया सम्पन्न भयो, हामी एकदमै खुशी छौँ,”– डा विजुक्छेले भन्नुभयो । कामको शिलशिलामा विरामीले दिएको हौसला डाक्टरको लागि ठूलो साथ र सहयोग हुने उहाँको भनाई थियो ।

उहाँको रोगबारे एक्स रे, सिटि स्कान र एमआरआई गरेर हेरेपछि मात्र अस्पतालले सर्जरी गरेको थियो । कम्मरमा भएका पाँच हड्डिमध्ये दुईवटा हड्डि जाम हुनुका साथै नशा तन्किँदा उक्त समस्या देखिएको डा विजुक्छेको भनाई छ ।

ढाडमा भएको मासु क्रमश ः ढिका पर्दे गएकाले उक्त समस्या आएको थियो । टिमवर्क भएर काम गर्दा शल्यक्रिया सफलतापूर्वक सम्पन्न भएको डा विजुक्छेले बताउनुभयो । हरेक डाक्टरको चाहना विरामीको सफल उपचार होस् भन्ने रहेको उहाँले सुनाउनुभयो ।

विरामीका भिनाजु लक्ष्मण गुरुङले जटिल प्रकृतिको रोग भएपनि नेपालकै डाक्टरलाई विश्वास र भरोसा गर्दा सफलतापूर्वक सल्यक्रिया सम्पन्न भएको बताउनुभयो । “नेपाली जनताको आशा र भरोसाको केन्द्रविन्दु आगामी दिनमा पनि ग्राण्डी अस्पताल र डाक्टरहरु बन्नुहोस्,”– उहाँले भन्नुभयो ।

विस २०६९ सालमा स्थापना भएको ग्राण्डी अस्पतालले स्थापनाकालदेखि नै स्पाइन सर्जरी गर्दै आएको छ । उक्त अस्पतालले हाल २०० शैयामार्फत विरामीको उपचार गर्दै आएको छ ।

फेसबुक प्रतिक्रिया
सम्बन्धित शीर्षकहरु