दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

प्रचार-प्रसारको कमिले ओझेलमा फुङ-फुङे झरना

न्यूजलाईन्स् मिडिया संवाददाता
प्रकाशित मिति : २०७५ भाद्र १० गते, आईतवार १२:५१

 ककनि -नुवाकोट भाद्व, १०। नेपालको राजधानी काठमाडौंबाट ३२ किलोमिटरको दूरीमा पर्ने ककनी गा.पा. वडा नम्बर ४ धन्सारमा दुईवटा आश्चर्यजनक स्थल रहेको छ। ककनि-४, धन्सारमा दुईवटा कक्यानोनिङका लागि उपयुक्त फुङ-फुङ झर्ना(१८५मिटर) र छहरे खोला झर्ना(१४५ मिटर ) रहेको छ।

विशेषगरी फुङ-फुङे झर्नाबाट गणेश हिमाल, लाङटाङ हिमाल र मनास्लु हिमालको दृश्यहरुको अवलोकन गर्न सकिन्छ । यहाँ बाह्रै महीना क्यानोनिङ्का लागि पर्याप्त पानीको प्रवाह रहेको छ । समुन्द्री सतहबाट १३२५ मिटरको उचाइमा अवस्थित यो क्षेत्र न त धेरै तातो छ न धेरै चिसो छ । किन ओझेल क्यानोनिङ ? नुवाकोट जिल्लाकै सबैभन्दा भन्दा आग्लो झर्नाको रूपमा रहेको यो फुङ-फुङे झर्ना ककनी गा. पा. को पहिचान र सान दुबै हो । धन्सारमा रहेको फुङ-फुङे झर्ना र छहरे खोला झर्नाको हाल सम्म कुनै प्रचारप्रसार हुन नसक्दा झर्नाको अस्तित्वनै हराउँदै गएको छ।

यस झर्नाको प्रचारप्रसार र बिकासको विषय लिएर स्थानीय निकायमा दर्जनौं निवेदन पेश गर्दा पनि हाल सम्म कुनै सुनुवाइ नभएको गुनासो रहेको छ । झर्नाको फाइदा के हुन सकिन्छ ? राजधानीबाट धेरै टाढाको ठाँउ हैन यो फुङ फुङे झर्ना । पर्यटन क्षेत्रको रूपमा बिकास गरि पर्यटकहरुलाई मोहित पार्न सकेमा मात्रै पनि यस ककनी, धन्सारको ग्रामीण भेगका आर्थिक बिकासमा सहयोग पुग्ने देखिन्छ।

यस क्षेत्रमा पर्यटनको पूर्वाधार जस्तो; पैदलमार्ग, होमस्टेको रूपमा बिकास गर्न सकेमा यस क्षेत्र वरिपरि रहेको रानीपौवा, जुरेथुम, दोभान र ककनिमा रहेकोे होटेल व्यावसायिहरुको पनि आर्थिक बिकासमा वृद्धि हुन जानेछ र फलस्वरूप समग्रमा ककनि गा.पा. को राजस्वमा वृद्धि नहुने कुरामा दुईमत देखिदैन ।

के छ फुङ-फुङ्को पौराणिक ? पहिला पहिला हाम्रो पुर्खाको पालामा यस झर्नाबाट राम्रो नराम्रो दुबै कार्यमा आवश्यकता अनुसार तामाको सर-सामान प्रयोगको लागी दिने र काम सकिए पछि जुन ठाँउबाट ल्याउने गरेको हो सोही स्थानमा लगेर राख्ने चलन गरिन्थ्यो पछी यस्तै क्रममा प्रयोग भएको सर-सामान झुक्किएर झुठोनै पुगेपछि झर्ना रिसाएको र सामान नदिएको भन्ने कथन पाइन्छ।

-नरेन्द्र तामाङ थिङ्ग।

फेसबुक प्रतिक्रिया
सम्बन्धित शीर्षकहरु