दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

पूर्वसांसद नारायणबहादुर कार्कीलाई आर्थिक सहयोग

न्यूजलाईन्स् मिडिया संवाददाता
प्रकाशित मिति : २०७५ भाद्र १७ गते, आईतवार १५:२०

उदयपुर, १७ भदौ – गत आम निर्वाचनमा उदयपुर जिल्लाको उदयपुरगढी दनुवारबेँशीमा एम्बुसमा परेर खुट्टा गुमाएका उदयपुरका पूर्वसांसद नारायणबहादुर कार्की र विद्यार्थी नेत्री मीरा कटुवाललाई त्रियुगा नगरपालिका गाईघाटले आर्थिक सहयोग गरेको छ ।

नगरपालिकाका अनुसार पूर्वसांसद कार्कीलाई रु चार लाख र विद्यार्थी नेत्री कटुवाललाई रु एक लाख आर्थिक सहयोग गरिएको हो । त्रियुगा नगरपालिकाका मेयर बलदेव चौधरीले जिल्लाका पूर्व सांसद कार्की र नेविसङ्घकी विद्यार्थी नेत्री मीरा कटुवाल निर्वाचनको समयमा एम्बुसमा परी दुवैले खुट्टा गुमाउनुपरेको कारण उहाँलाई नगरपालिकाले आर्थिक सहयोग गरेको बताउनुभयो ।

कार्की र कटुवाल निर्वाचनको कार्यक्रममा कटारीबाट जिल्लाको पञ्चावती आउने क्रममा दनुवारबेँशी भन्ने स्थानमा एम्बुसमा पर्दा सख्त घाइते हुनु भएको थियो ।

राजधानी काठमाडाँैको शिक्षण अस्पतालमा उपचारका क्रममा कार्की र कट्ुवालको एक–एक खुट्टा काट्नु परेको थियो । पूर्वसांसद कार्कीलाई कटारी नगरपालिकाले पनि यसअघि नै रु तीन लाख आर्थिक सहयोग गरिसकेको छ भने कटुवाललाई पनि रु एक लाख सहयोग गरेको कटारी नगरपालिकाले जनाएको छ ।

महासङ्घद्धारा तीज आयोजना

घरेलु तथा साना उद्योग महासङ्घ उदयपुर र सङ्घमा आवद्ध महिला उद्यमीको आयोजनामा शनिबार उदयपुर जिल्लाको गाईघाटस्थित ढिम्कीको पिकनिक स्पोर्टस्मा महिलाको चाड हरितालिका तीज पर्वको अवसरमा दर खाने कार्यक्रमको आयोजना गरिएको छ ।

महिलाको चाड तीजको संरक्षण गर्न र यसलाई मितव्ययी ढङ्गले आफ्नै संस्कृतिक संस्कारबाट मनाएर जीवित राख्न तीज पर्वको आयोजना गरिएको आयोजकका एक सदस्य तथा महिला उद्यमी सिर्जना पौडेलले बताउनुभयो ।

फेसबुक प्रतिक्रिया
सम्बन्धित शीर्षकहरु