तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

केभीएस प्रिक्वाटरफाइनलमा

न्यूजलाईन्स् मिडिया संवाददाता
प्रकाशित मिति : २०७८ फाल्गुन १५ गते, आईतवार १८:१९

काठमाडौं, फागुन १५ गते ।
डिफेन्डिङ च्याम्पियन केभीएस छैटौं अर्किड कप अन्तरविद्यालय सेभेन ए साइड छात्र नकआउट फुटबल प्रतियोगितामा आइतबार प्रिक्वाटरफाइनलमा प्रवेश गरेको छ ।
केभीएसले आयोजक अर्किडलाई ५–० गोलले पराजित ग¥यो । केभीएसका रोजल कार्की एक्लैले ४ गोल गरे भने सुनिल खड्काले १ गोल थपे । अर्किडका प्रान्स दाहाल ‘म्यान अफ द म्याच’ घोषित भए ।
टाइमलाइन, एकलब्य, दर्शना र कौस्तुभ पनि आ–आफ्नो प्रतिद्वन्द्वीलाई हराउदै प्रिक्वाटरफाइनलमा स्थान सुरक्षित गर्न सफल रहे ।
टाइमलाइनले भीमेश्वर एकेडेमीलाई ४–१ गोलले हरायो । विजयी टिमका लागि चारै गोल आशिष मगरले गरे । भीमेश्वरका कस्विन ढुंगेलले सान्त्वना गोल गरे । एकलब्यले ग्लोबललाई ३–० गोलले पाखा लगायो । एकलब्यका अनिल शाहीले २ तथा निरज कोइरालाले १ गोल गरे ।
दर्शनाले बाल गीताञ्जलीलाई टाइब्रेकरमा ६–५ ले पन्छायो । निर्धारित समयको खेल १–१ गोलको बराबरीमा सकिएको थियो । कौस्तुभले हाइली क्रिएटिभमाथि २–१ को जित निकाल्यो । कौस्तुभका रिडम श्रेष्ठ र कुशल बर्देवाले गोल गरे । हाइलीका सजिन थापाले १ गोल फर्काए । यससंगै प्रिक्वाटरफाइनल समीकरण पूरा भएको छ ।

फेसबुक प्रतिक्रिया
सम्बन्धित शीर्षकहरु