
शिव अधिकारी १७ फागुन २०७८
सिर्जना शिवको हो यो सधै भूमि पवित्र छ
शुख शान्ति र सम्बृद्धि उनैमा प्रतिबद्ध छ
शिव हुन श्रृष्टिको धारा कर्मठ काममा पनि
हिमको काख प्यारोछ कुञ्जमा शिवको धुनी ।। १ ।।
यज्ञ सम्बृद्धिको गर्छौ सम्पन्न देश बन्दछ
बग्छ संञ्जिवनी धारा झर्ना खोला सुसाउछ
गुञ्जिन्छ शान्तिको नाद नदिको सुस्केरा बनि
फुल बिछ्यायझै बन्छ आकाश रातमा पनि ।। २ ।।
पार्वति शिवको छाया सबैको आँगनि भरि
पौरखी हातको खेती बगैचा भरिए सरि
टम्म भो खेत बारीमा धान कोदो र फापर
मकैको बोटमा फल्ने घोगानै बन्छ सुन्दर ।। ३ ।।
यस्तै जिवनको धारा बग्दैछ श्रृष्टिको चुरो
शिवको शक्तिले सारा मान्छे छन अति नै सुरो
महादेव पूजा हुन्छ मन्दिर घर नै रह्यो
शुख शन्ति समेटेको शिवको संस्कृती न हो ।। ४ ।।
जडिबुटी टिपी पाखा पखेरीहरुको अब
संञ्जिवनी सबै हाम्रोे राष्ट्रको सान गौरव
शिवको काखमा खेल्छौँ उनैको शक्ति संचित
संसार जित्नको लागि शिव शक्ति समाहित ।। ५ ।।


