
प्रविण थपलिया, नुवाकोट । शिवपुरी गाउँपालिकाका दुई विद्यालयका विद्यार्थीलाई पोशाक तथा शैक्षिक सामाग्री वितरण गरिरहेको छ । शिवपुरी एकको ज्वालामुखी आधारभूत विद्यालयका 50 जना र शिवपुरी तीनको राममायण छाप मा वि का 275 विद्यार्थीहरूलाई वुधवार एक कार्यक्रम आयोजना गरि पोशाक वितरण गरिएको हो ।
नेपाली कांग्रेस नुवाकोट क्षेत्र नं १ प्रदेश क सभापती सुशील खडकाले विद्यालयमा नै पुगेर सहयोग रकम,शैक्षिक सामग्री तथा विद्यार्थीलाई पोशाक वितरण गरेका हुन् । राममायण छाप मा वि का लागि पचास हजार नगदसहित एक थान प्रोजेक्टर प्रदान गरिएको कार्यक्रममा सहभागी विद्यालय व्यवस्थापन महासंघ शिवपुरीका अध्यक्ष हरि दुलाल ले जानकारी गराउनु भयो।
पोशाक लगायत शैक्षिक सामाग्री नेपाली काँग्रेस नुवाकोटका जिल्ला सभापति रमेश कुमार महत, पूर्व क्षेत्रीय सभापति यमवहादुर थापा ,वडा सभापति अर्जुन रायमाझी ,प्रदेश कमिटी सचिव सृजना तमाङ लगायत नेता कार्यकर्ता उपस्थिति वितरण गरिएको थियो।


