दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

यौन तथा प्रजनन स्वास्थ्यका सवालमा ३ दिने अन्तरक्रिया कार्यक्रम भक्तपुरमा

न्यूजलाईन्स् मिडिया संवाददाता
प्रकाशित मिति : २०७८ चैत्र १९ गते, शनिबार १४:२५

१८ चैत २०७८ शर्मिला विश्वकर्मा, भक्तपुर
पहिचान नेपालले वमेन फाउण्डेशन एसियाको सहकार्यमा अपाङ्गता भएका महिलाहरुको यौन तथा प्रजनन् स्वास्थ्य र हक अधिकाको विषयमा यही चैत्र १५ गते देखि १७ गते सम्म ३ दिन भक्तपुरमा अन्तरक्रिया कार्यक्रम गरेको छ ।
वरेक नेपालकी प्रशिक्षक इलावती के.सी.ले अपाङ्गता भएका महिलाहरुको लैङ्गीक समानता, प्रजनन् स्वास्थ्य र हक अधिकाको संवोधनका विषयमा प्रस्तुतीकरण गर्नु भयो भने नेपाल अपाङ्ग महिला संघकी अध्यक्ष टिका दाहालले अपाङ्गता भएका महिलाहरुको राष्ट्रिय तथा अन्तराष्ट्रिय ऐन, कानूनका विषयमा प्रस्तुतीकरण गर्नु भएको थियो ।
आयोजक संस्था पहिचान नेपालकी अध्यक्ष ईच्छा के.सी.ले पहिचान नेपालले अहिले सम्म अपाङ्गता भएका महिलाहरुका लागि राहत वितरण, आर्थिक सहयोग, विउपुँजी वितरण, विभिन्न तालिमहरु सञ्चालन गर्दै आएको बताउनु भयो ।
त्यसै गरी कार्यक्रमको दोस्रो दिन अर्थात चैत्र १६ गते अपाङ्गता अधिकारकर्मी महेश्वर घिमिरेले अपाङ्गता भएका महिलाहरुको स्वास्थ्यमा देखिएका चुनौतीहरु, प्रजनन् स्वास्थ्यका सवालहरु र व्यवस्थापनका विषयमा प्रष्ट पार्नु भयो ।
कार्यक्रमका सहभागी रोशनी राइले महिनावारीका समयमा प्रयोग गरिने प्याड निःशुल्क ृपलब्ध हुने पर्ने, अमला महर्जनले शौचालयहरु सफा नहुदा, पानीको व्यवस्थापन नहुदा कठिनाई भोग्न परेको सिता शाहले दृष्टिविहिन महिलाहरुलाई प्याड प्रयोग गर्ने सवालमा तालिम दिनु पर्ने बताउनु भएको थियो ।
त्यसै गरी पहिचान नेपालकी अध्यक्ष इच्छा के.सी.ले प्रजनन् स्वास्थ्यका सवालमा स्वास्थ्य निकायहरुबाट विभिन्न सेवा लिन कठिनाई भएको बताउनुका साथै उहाँले यस अन्तरक्रियाको तेस्रो दिन अपाङ्गता भएका महिलाहरुको समानताको विषयमा कार्यपत्र प्रस्तुत गर्नु भएको थियो ।
यस कार्यक्रममा परिवार नियोजन संघ जडिबुटी शाखामा कार्यरत स्टाफ नर्स सत्य भण्डारीले परिवार नियोजन, सुरक्षित मातृत्वका विषयमा प्रस्तुतीकरण गर्नुका साथै परिवार नियोजनका केही अस्थाई साधनहरुको परिचय गराउदै यसको उपयोगका विषयमा जानकारी गराउनु भयो ।
सो ३ दिने कार्यक्रममा न्यून तथा पूर्ण दृष्टिविहिन र शारीरिक अपाङ्गता भएका ३१ जना अपाङ्गता भएका महिलाहरुको सहभागीता रहेको थियो ।

फेसबुक प्रतिक्रिया
सम्बन्धित शीर्षकहरु