दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

स्थानीय चुनाव : गठबन्धनमा टुंगियो महानगर र उपमहानगरको भागबण्डा (सहमति पत्रसहित)

न्यूजलाईन्स् मिडिया संवाददाता
प्रकाशित मिति : २०७९ बैशाख ७ गते, बुधबार १९:५५

काठमाडौं, बैशाख ७ । सत्ता गठबन्धन दलबीच महानगर र उपमहानगरको भागबण्डामा सहमति जुटेको छ।

योसँगै सत्तारुढ पाँचदलीय गठबन्धनले आशन्न स्थानीय निर्वाचनका लागि ६ वटा महानगरपालिका र ११ उपमहानगरपालिकाको भागबण्डा टुंगो लगाएको हो ।

आज दिउँसोदेखि प्रधानमन्त्री निवास बालुवाटारमा बसेको शीर्ष नेताहरुको बैठकले भागबण्डा टुंगो लगाएको हो।

सहमति अनुसार नेपाली कांग्रेसले काठमाडौं, ललितपुर र विराटनगर महानगरपालिकाको मयेर, वीरगन्ज, भरतपुर र पोखरा महानगरको उपमेयर पाउने छ।

यस्तै धरान, इटहरी, कलैया, बुटवल, ललसिपुर, नेपालगन्ज र धनगढी उपमहानगरको मेयर, जितपुर सिमरा, घोराही, जनकपुर र हेटौंडाको उपमेयर कांग्रेसको भागमा परेको छ।

नेकपा माओवादी केन्द्रले भरतपुर महानगरको मेयर, ललितपुर महानगरको उपमेयर पाएको छ। यस्तै उपमहानगरपालिकामा जितपुर सिमरा र घोराही माओवादीको भागमा परेको छ। धरान र धनगढी उपमहानगरको उपमेयर माओवादीको भागमा परेको छ।

नेकपा एकीकृत समाजवादीलाई पोखरा महानगरपालिकाको मयेर दिन सहमति भएको छ। काठमाडौंको उपमेयर पनि एसले पाउने भएको छ। हेटौंडा उपमहानगरको मयेर, इटहरी, बुटवल र तुलसिपुरको उपमेयर समाजवादीको भागमा परेको छ।

जसपाले वीरगन्ज महानरपालिकाको मयेर, विराटनगरको उपमेयर पाउने सहमति भएको छ। यस्तै जनकपुर उपमहानगरको मेयर, कलैया र नेपालगन्जको उपमेयर पनि जसपाको भागमा परेको छ।

गठबन्धनले सम्पूर्ण पालिकामा पनि चुनावी तालमेल गर्ने सहमति गरेको छ।

यस्तो छ सहमति:

फेसबुक प्रतिक्रिया
सम्बन्धित शीर्षकहरु