दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

आत्माको पुकार

न्यूजलाईन्स् मिडिया संवाददाता
प्रकाशित मिति : २०७९ जेष्ठ ३ गते, मंगलवार ९:२८

आत्माको पुकार( कविता)
(मुक्त छन्द)

जिन्दगीको गोरेटोमा एक्लै हिडे कति
काँध चढी अघि लागे टाठाबाठा जति
मासी गले पिडौलाका एक्लै ढलेको छु
टोक्ने भए टोक अझै म त जलेको छु।

थाप्लो माथी तिम्रो गोडा थाप्दा तालु नाङ्गो
ऐया दुख्यो भनेंँ जब तिम्रो मुख बाङ्गो
ऐसेलुको काँडा झेल्दै फल तिम्लाइ दिएंँ
म सक्दिन आफै टिप भन्दा दोषी भएँ।

मासु छैन हाडछाला मात्रै बाकी भयो
भन्दै पर सर्‍यौ आज हाड पापी लाग्यो
मसानमा फ्याकिएको ज्यूँदो लास ठान्यौ
बितृष्णाको रोष पोख्न यहि लास छन्यौ।

फर्की हेर बितेका ती उखरमाउला यात्रा
परेलीका जल छम्की बनाएथेंँ जात्रा
सुकेका छन् नशाहरू रगत छैन रत्ती
अझै भारी नबोकेको झेल ठान्छौ कति?

भित्री मन उस्तै उस्तै माया फक्रेको छ
बाहिरी छाला तुषारोले गर्दा कक्रेको छ
लैनो छदा दूध आउथ्यो बेत बसेको छु
बिके बेच हाडछाला खोँचमा फसेको छु।

शम्भु गजुरेल अज्ञानी
नुवाकोट

फेसबुक प्रतिक्रिया
सम्बन्धित शीर्षकहरु