
काठमाडौं । काठमाडौं महानगरपालिकाको मेयरमा स्वतन्त्र उम्मेदवार बालेन साहले फराकिलो मतान्तरसहित अग्रता कायमै राखेका छन् । मतगणना चलिरहँदा स्वतन्त्र उम्मेदवार साहले १० हजार ८ सय ९९ मत पाएका छन् ।
साहले पाएको मत मुख्य दुई प्रतिस्पर्धीको भन्दा करिब दोब्बरले बढी छ । उनलाई पछ्याइरहेका एमालेका उम्मेदवार केशव स्थापितले हालसम्म मात्रै ५ हजार ८ सय ४१ मत पाएका छन् ।
यता पाँच दलीय गठबन्धनको तर्फबाट उम्मेदवार बनेकी कांग्रेस नेतृ सिर्जना सिंहले ५ हजार १ सय १४ मत पाएकी छिन् ।
मेयरमा भएको प्रतिस्पर्धामा राप्रपा र विवेकशीलसहित अन्यको उपस्थिति भने निकै कमजोर देखिएको छ ।


