दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

चलचित्र ‘मानिस ठूलो दिलले हुन्छ’ निर्माण हुने

न्यूजलाईन्स् मिडिया संवाददाता
प्रकाशित मिति : २०७९ जेष्ठ १३ गते, शुक्रबार ८:३९

काठमाडौं । फिचर फिल्मको लम्बाईमा नेपालमा पहिलो पटक संवादसहित गीति चलचित्र ‘मानिस ठूलो दिलले हुन्छ’ निर्माण हुने भएको छ । देवेन्द्र पान्डेको निर्देशनमा बन्न लागेको फिल्मको मंगलवार राजधानीमा एक कार्यक्रमका बीच निर्माण घोषणा गर्नुका साथै शुभ मुहूर्त गरियो । फिल्मको मुहूर्त सट कलाकारहरु अभिनास न्यौपाने र श्रेया कार्कीले दिएका थिए । फिल्ममा उनीहरुको जोडी बाँधिएको छ ।

सौरपानी मिडिया प्रा.लि.को ब्यानरमा निर्माण हुने फिल्मको बुधवारबाट छायांकन सुरु भएको छ । फिल्ममा मोहन निरौला, उत्तम केसी, सरु सुनवार, शुभम् आचार्य र सविना न्यौपानेको पनि अभिनय रहनेछ । फिल्मलाई मणि नेपाली पनेरुले निर्माण गर्नेछन् । उनले लेखेको ६ वटा लोकगीतमा फिल्म निर्माण हुन लागेको हो । फिल्ममा केही प्रतिशत संवाद पनि हुनेछ । क्यानडाको लागि नेपाली साँस्कृतिक दुतसमेत रहेका पुर्ण नेपालीको एकल संगीतमा रहेका फिल्मका गीतहरुमा राजु परियार, तुलसी पराजुली, देवि घर्ती, निशा देसार, धर्मेन्द्र सेवान लगायतका गायक-गायिकाहरुको स्वर रहेको छ ।

निर्माता पनेरुले आफूले व्यवसायिक उद्देश्य नबोकी फिल्म निर्माण गर्न लागेको बताए । उनले भने, ‘फरक-फरक शैलीका लोकगीतमार्फत् फिल्ममा कथा भनिनेछ । यसलाई आधुनिक मुना मदन पनि भन्न सकिन्छ । तर, यो सुखान्त मुना मदन हुनेछ । यो फिल्मले समाजलाई सकारात्मक सन्देश दिनेमा विश्वस्त छु ।’ भिन्न जातीका दुई केटा-केटीको प्रेमकथामा फिल्म आधारित हुने उनले जानकारी दिए ।

यसअघि दुई फिल्मको निर्देशक गरिसकेका देवेन्द्र पाण्डेले आफूले यसअघि गरेका फिल्मभन्दा ‘मानिस ठूलो दिलले हुन्छ’ भिन्न रहने दावी गरे । सामाजिक विषयवस्तुमा आधारित भएर फिल्म बन्ने उनको भनाई छ । गीतको माध्यमबाट समाजलाई सन्देश दिने उद्देश्यले फिल्म बनाउन लागको उनी बताउँछन् । उनले यसअघि सयौं म्यूजिक भिडियोको निर्देशन गरिसकेका छन् ।

फिल्मको लम्बाई एक घन्टाभन्दा लामो हुने बताइएको छ । सम्भवतः संवादसहित यो लम्बाईमा यसअघि गीति चलचित्र निर्माण भएका छैनन् । करीब १५ दिन छायांकन हुने फिल्मलाई उत्सव दाहालले खिच्नेछन् भने सम्पादन विकास दाहालले गर्नेछन् । फिल्म निर्माण भएपछि विभिन्न ठाउँमा च्यारिटीसहित हलमा प्रदर्शन गर्ने निर्माण टिमको लक्ष्य छ ।

सौरपानी मिडिया प्रालीलाई हार्दिक वधाई

मेरो प्यारो जन्मभूमी सौरपानीलाई म हृदय देखी मायाँ गर्छु सम्मान गर्छु। सौरपानी कै नाममा एक मिडिया कम्पनी दर्ता भएको छ, सौरपानी मिडिया प्राली। यही ब्यानर बाट नेपालको पहिलो सम्वाद सहितको गिती चलचित्र “मानिस ठुलो दिलले हुन्छ”को सूभारम्भ आज मे २५, २०२२ देखी सुरु भएको छ। यो परियोजनाबाट मेरो मातृभूमी प्रतिको अली कती भने पनि गुन तिर्न सक्ने छु र इश्वरको सुन्दर सृस्‍टिलाई मानिसले लगाएको धब्बालाई मेटाउने जमर्को गरिने छ। यो एउटा सानो प्रयास हो, एक सत्प्रयास हो। सामाजिक न्यायको बुलन्द आवाज बोकेको यो चलचित्रले समाजमा अलिकती भने पनि सकारात्मक सन्देश लाने आशा गरेको छु। यो प्रयासलाई पल पल साथ दिने मेरा सहकर्मी अविनास न्यौपानेको अतुलनिय भूमिका र योगदान रहेको छ। यसका साथै मेरा अनन्य मित्र वरिष्ठ सङ्गीतकार पूर्ण नेपाली, चलचित्र निर्देशक देवेन्द्र पाण्डे, नायिका श्रिया कार्की लगायत सम्पूर्णलाई हार्दिक धन्यवाद दिन चाहन्छु। यो हाम्रो प्रयासलाई सबैले साथ दिनु नै हुनेछ भन्नेमा म विश्वस्त छु। सौरपानी मिडिया प्रालीलाई हार्दिक वधाई !
मणि नेपाली पनेरु, निर्माता

फेसबुक प्रतिक्रिया
सम्बन्धित शीर्षकहरु