काठमाडौं-–नेपाल निर्माण व्यवसायी महासङ्घको अध्यक्षमा पुर्व वरिष्ठ उपाध्यक्ष रवि सिंह विजयी भएका छन् । शनिबार भएको मतदानबाट सिंहले अध्यक्षका प्रतिष्पर्धी यज्ञध्वज कार्की, रामशरण देउजा र पुरुषोत्तम मानन्धरलाई पराजित गरेर विजयी भएका छन् । सिंहले ४६६ मत पाएका थिए भने उनका प्रतिद्वन्दी कार्कीले ३५३ मत पाएका थिए । त्यस्तै देउजाले ६६ र मानन्धरले ७ मत पाएका थिए । त्यस्तै महासंघको वरिष्ठ उपाध्यक्षमा निकोलस पाण्डे विजयी विजयी भएका छन् । पाण्डेले आफ्ना प्रतिष्पर्धी लक्ष्मण कुमार रानालाई पराजित गरेका हुन्। पाण्डेले ४६५ मत पाएर विजयी भए भने रानाले ४२८ मत प्राप्त गरेका थिए ।
त्यस्तै एशोसियट्स तर्फको उपाध्यक्षमा आङ दोर्जी लामा विजयी भएका छन् । त्यस्तै महासंघको महासचिवमा रोशन दाहाल, कोषाध्यक्षमा हिरण श्रेष्ठ, आन्तरिक तर्फको उपमहासचिवमा नरहरी थपलिया र नीतिगततर्फको उपमहासचिवमा टंक चौलागाई निर्वा्चित भएका छन् । त्यस्तै महासंघको साधारण सभाले महासंघको प्रदेश उपाध्यक्षहरु पनि निर्वाचित गरेको छ । जस अनुसार प्रदेश १ को उपाध्यक्षमा धिरेन्द्र कुमार दाहाल, प्रदेश २ को उपाध्यक्षमा सुरेन्द्र प्रसाद सिंह, प्रदेश ३ को उपाध्यक्षमा पेम्बा लामा, गण्डकी प्रदेशको उपाध्यक्षमा राजेन्द्र पहारी, प्रदेश ५ बाट टोप बहादुर रायमाझी, कर्णाली प्रदेशबाट राम बहादुर खड्का र प्रदेश ७ बाट टेक बहादुर सेठ्ठी निर्वाचित भएका छन् ।
२०८२ बैशाख ३० - मंगलवार
