दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

उज्ज्वल तारा दौड’का विजेतालाई पोखराको होटलमा खाने बस्नेपुरस्कार

न्यूजलाईन्स् मिडिया संवाददाता
प्रकाशित मिति : २०७९ आश्विन ५ गते, बुधबार १९:३०

काठमाण्डौ, ५ असोज । उज्ज्वल तारा स्कुल काँडाघारीले विगत ६ वर्षदेखि सञ्चालन गर्दै आएको ‘उज्ज्वल तारा दशैं रन फर गुड हेल्थ दौड’का विजयीहरुलाई यसपालि नगदको साथै पोखराको पाँच तारे होटेलमा खानेबस्ने सुविधासहितको पुरस्कार दिने घोषणा गरेको छ ।
हरेक वर्ष वडादशैंको घटस्थापना अघिको शनिबार आयोजना गरिदैं आएको ‘उज्ज्वल तारा दशैं रन फर गुड हेल्थ दौड’ कागेश्वरी मनोहरा नगरपालिका ९ मा रहेको सो स्कुलबाट शुरु भई ५ किलोमिटर दौड हुँदै आएको छ । ७ वटा विधा रहेको यो वर्षको दौड यही असोज ८ गते शनिबार विहान सञ्चालन हुँदैछ ।
‘उज्ज्वल तारा दशैं रन फर गुड हेल्थ दौड’का कार्यक्रम संयोजक नेपाली सेनाका महासेनानी (कर्णेल)विष्णु कार्कीका अनुसार १८ वर्ष उमेरमाथि समूहको महिला र पुरुष खुल्ला विधातर्फका विजयीहरुलाई क्रमशः १० हजार, ७ हजार र ५ हजार रुपैयाँ नगदको साथै ट्रफि, पदक र प्रमाणपत्र पुरस्कार दिइनेछ ।
यसैगरि अभिभावक विधातर्फको दौडका विजयी महिला तथा पुरुषलाई पोखराको क्राउन हिमालय होटेलमा २ रात खानेबस्ने सुविधासहितको पुरस्कार व्यवस्था गरिएको छ भने श्रीमान र श्रीमती विधातर्फ दौडमा विजयी हुनेलाई पोखराको पाँचतारे ग्राण्डी होटलमा एकरात खानेबस्नेको साथै दुवैजनालाई आउन जाने दुईतर्फि हवाई टिकटको व्यवस्था गरिएको संयोजक कार्कीले बताए ।
यसैगरि ५५ वर्षमाथिको उमेर समूहका विजयी पुरुष धावक (२जना) लाई पोखराकै ग्राण्डी होटेलमा एकरात बस्नेखाने व्यवस्था तथा विजयी महिला धावक (२ जना) लाई पोखराकै सहारा होटेलमा २ रात खानेबस्ने सुविधासहितको पुरस्कार व्यवस्था गरिएको छ ।
दौडको तयारीबारे बुधबार विद्यालयमा आयोजना गरिएको कार्यक्रममा दौडका संयोजक कार्कीले दौडमा सहभागी, सुरक्षा र दौडका सहभागीहरुलाई उपलव्ध गराइने सामग्रीका बारेमा जानकारी गराएका थिए ।
दौडमा सहभागी हुने सबै प्रतियोगिहरुले सहभागिता वापतको जनही तीनसय रुपैयाँ उज्जवल तारा स्कुलको खातामा जम्मा गर्नुपर्ने व्यवस्था मिलाइएकोसंयोजक कार्कीले जानकारी गराए । उनका अनुसार दौडमा सहभागी हुन हालसम्म २०० जनाले आफ्नो नाम लेखाईसकेका छन् ।
सहभागिता शुल्क वापत उठेको सबै रकम वरिष्ठ मुटुरोग विशेषज्ञ डा.भगवान कोइरालाले स्थापना गर्न लागेको गैरनाफामूलक वाल मुटुरोग अस्पताललाई हस्तान्तरण गरिने कार्यक्रम संयोजक कार्कीले बताए ।
विद्यालयमा बुधबार आयोजना गरिएको कार्यक्रममा प्रहरी प्रभाग काँडाघारीका प्रहरी अधिकारी, दौडका प्रायोजकहरु, ट्राफिक प्रहरीका साथै दौडमा खटिने स्वयम्सेवकहरुको सहभागिता थियो ।

फेसबुक प्रतिक्रिया
सम्बन्धित शीर्षकहरु