नेपालीहरु विशेष गरी हिन्दुहरुको महान् चाड दशैं सुरु हुने लागेको छ । मीठो मसिनो खाने, राम्रो लाउने र रमाइलो गर्ने चाडका दशै लिईन्छ । यो चाड धार्मिक हिसाबले मात्र होइन सामाजिक, राजनीतिक र न्यायिक हिसाबले पनि महत्वपूर्ण मानिन्छ । यस चाडमा कामको खोजीमा, अध्ययनका लागि र अन्य विशेष कार्यक्रमका लागि विदेश गएका नेपाली पनि घर फर्किने गरेका छन् । र, कतिपय फर्किदै छन् । दशैं आएसँगै सुनसान रहेका दुर्गम गाउँहरुमा पनि चहलपहल बढेको छ । विदेश गएका धेरैजसो युवाहरु नफर्किए पनि केही मात्रामा दशै मनाउन घर आएका छन् । विगत बर्षहरुको दशैं भन्दा यो दशैंको विशेष महत्व छ, भिन्नै अर्थ राख्छ । राजनिितक हिसावले केही स्थीरता छ । यतिबेला देशमा २ तिहाईको शक्तिशाली सरकार छ ।
तर देशमा हत्या ह्रिसा बलात्कार, महिला हिसाका घटना दिनप्रतिदिन बढ्दो छ । आम नागरिकले अशान्त महसुश गरेका छन् । यस्तो अशान्त र अभावकैबिच दशैंको रौनक छाउन थालेको छ । त्यसैले त दुःख पीडा र अभावकाबिच पनि हाँस्न सक्दछ नेपाली । वर्ष दिनपछि आफन्तसँग भेटघाट गर्ने र आफूभन्दा ठूला मान्यजनबाट आर्शीवचन लिने यस चाडका लागि गरिब वर्गले पनि विभिन्न परिकार बनाएर खानका लागि सामग्री जोहो गरेका हुन्छन् । यो चाडमा सामूहिक रूपमा खाने र रमइलो गर्ने चलन छ । राजनीतिक स्थीरताको लागी बनेको २ तिहाईको सरकारले दिगो रुपमा संविधानको कार्यान्वयन गर्दे देशलाई अग्रगतिमा अगाडी बढाउनु जरुरी छ । ९ महिनामा बन्ने र भत्कने सरकारको परम्परा अन्य भएको छ । आफ्नो संविधान आफैं लेख्ने सात दशक लामो सपना पुरा भएपछि भएका ३ तहका निर्वाचनले संघ प्रदेश र स्थानीय सरकार दिएको छ । त्यसैले अब देशलाई शान्ति र समृद्धिको बाटोमा डोर्याउनु पर्छ । २०७५ सालको विजया दशमीले देशमा सुख, शान्ति र समृद्धि भित्र्याओस् । सबै नेपालीको सुस्वास्थ्य, समुन्नति र उत्तरोत्तर प्रगतिको हार्दिक मंगलमय शुभकामना ।
२०८२ बैशाख ३० - मंगलवार
