दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

आजदेखि शुरु हुने सङ्घीय संसद्को पहिलो अधिवेशनको सबै तयारी पूरा

न्यूजलाईन्स् मिडिया संवाददाता
प्रकाशित मिति : २०७९ पुष २५ गते, सोमबार ६:२५

काठमाडौं । सङ्घीय संसद् सचिवालयले आजदेखि शुरु हुने सङ्घीय संसद्को पहिलो अधिवेशनको सबै तयारी पूरा भएको जनाएको छ।

सङ्घीय संसद् सचिवालयका सहायक प्रवक्ता दशरथ धमलाले सोमवार अपराह्न १ बजेका लागि आह्वान भएको सङ्घीय संसद्को पहिलो अधिवेशनको सबै तयारी पूरा भएको जानकारी दिए । पहिलो बैठकमा सबै दलबाट संसदीय दलका नेताले सम्बोधन गर्ने छन ।

अधिवेशनका लागि आवश्यक प्रशासनिक, व्यवस्थापकीय र प्राविधिक पक्षका सबै कामहरू पूरा गरिएको उनले बताए। सङ्घीय संसद् अन्तर्गतको प्रतिनिधिसभा र राष्ट्रियसभा दुवैको बैठक भोलि एकै समयमा बस्दैछ । प्रतिनिधि सभा बैठकका लागि सर्वदलीय बैठक र राष्ट्रिय सभा बैठकका लागि कार्य व्यवस्था परामर्श समितिको बैठक बसेर पहिलो अधिवेशनका लागि आवश्यक निर्णय गरिएको उनले जानकारी दिए । सोही बैठकको निर्णयअनुसार सङ्घीय संसद् सचिवालयले आवश्यक व्यवस्था मिलाएको सहायक प्रवक्ता धमलाले बताए ।

अहिले केही नयाँ दलहरू संसदमा आएकाले दलका लागि आवश्यक पर्ने संसदीय दलका कार्यालयहरूको व्यवस्था मिलाइएको उनले बताए । ती दलबाट निर्वाचित हुने पदाधिकारीहरूलाई कानुन बमोजिम सवारी साधन उपलब्ध गराउनुपर्ने व्यवस्था रहेको भए पनि पर्याप्त सवारी साधन नभएकोले सरकारसँग त्यसबारे पहल भइरहेको उनको भनाइ छ ।

सहायक प्रवक्ता धमलाले राष्ट्रियसभा अन्तर्गत पनि आइतवार कार्य व्यवस्था परामर्श समितिको बैठक बसेको बताए ।

सङ्घीय संसद् सचिवालयले सत्तापक्ष र प्रतिपक्ष दलका सांसदहरूलाई दलीय प्रतिनिधित्वको आधारमा बस्न मिल्ने गरी सिटको व्यवस्था गरिएको पनि उनले जानकारी दिए । स्थान अभावका कारण सबै दलका संसदीय दलका नेताहरूलाई पहिलो लहरमा राख्ने गरी सिटको व्यवस्था भने गर्न नसकिएको उनले बताए । सङ्घीय संसदमा १२ वटा राजनीतिक दलहरूको प्रतिनिधित्व रहेको छ । सहायक प्रवक्ता धमलाले १२ वटा दलहरूलाई समेटेर यो सिटको व्यवस्थापन गर्नुपर्ने बताए ।

सबै दलहरूलाई फ्रन्टमा नेता रहने र पछाडि अरू सदस्यहरू रहनेगरी सिटको व्यवस्थापन गरिएको उनले बताए । अधिवेशनमा सबै दलका संसदीय दलका नेताहरूले बोल्ने कार्यसूची तय गरिएको उनले जानकारी दिए । सङ्घीय संसदमा सांसदहरूले पनि ई–हाजिरी गर्ने व्यवस्था मिलाइएको छ । सोमवारबाट परीक्षणका लागि राष्ट्रियसभामा सुरु हुने र परीक्षणपछि दुवै सदनमा त्यसलाई लागू गर्ने योजना तय गरिएको उनको भनाइ छ ।

फेसबुक प्रतिक्रिया
सम्बन्धित शीर्षकहरु