दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

यूएईविरुद्ध शानदार जित हाँसिल गर्दै नेपाल एसिया कपमा छनोट

न्यूजलाईन्स् मिडिया संवाददाता
प्रकाशित मिति : २०८० बैशाख १९ गते, मंगलवार १५:२९

काठमाडौं,१९ वैशाख । एसीसी प्रिमियर कपको फाइनलमा यूएईविरुद्ध शानदार जित हाँसिल गर्दै नेपाल एसिया कपमा छनोट भएको छ । एसिया कप सेप्टेम्बर १ देखि १४ सम्म पाकिस्तानमा हुँदैछ । नेपालले भारत र पाकिस्तान रहेको समूह ए बाट एसिया कप खेल्नेछ ।
नेपालले यूएईलाई ७ विकेटले हराउँदै एसिया कपमा आफ्नो स्थान पक्का गरेको हो ।

त्रिवि क्रिकेट मैदानमा पहिले टस जितेर नेपालले फिल्डीङ रोजेपछि ब्याटिङमा उत्रिएको यूएईले खराब प्रदर्शन गर्दै २७ .२ ओभरमा १०६ रन बनाएपछि पानी आएर रोकिएपछि बाँकी खेल पुनः आज खेलाइएको थियो । आज यूएईले नेपाललाई ११८ रनको लक्ष्य प्रस्तुत गरेको थियो ।

यूएईलाई सामान्य लक्ष्यमा रोक्नेक्रममा नेपालका ललित राजवंशीले ४ विकेट लिए । त्यस्तै करण केसी र सन्दीप लामिछानेले २-२ विकेट लिँदा सोमपाल कामी र गुल्सन झाले समान एक एक विकेट लिएका थिए ।
यूएईले दिएको सामान्य लक्ष्य पछ्याएर जवाफी ब्याटिङमा उत्रिएको नेपालले ३०.३ ओभरमा मात्रै तीन विकेट गुमाएर लक्ष्य पुरा गरेको छ ।

नेपालको जितमा नायक बनेका गुल्सन झाले शानदार अर्धशतक प्रहार गरे । उनले ८४ बलको सामना गर्दै ६ छक्का र तीन चौकाको मद्दतमा ६७ रनको विष्फोटक पारी खेले ।

त्यस्तै भीम सार्कीले ७२ बलमा चार चौकका प्रहार गर्दै नटआउट ३६ रन बनाएका छन् ।

ओपनरहरु कुशल भुर्तेल १ रन र आशिफ शेख ८ रनमा आउट भएको अवस्थामा कप्तान रोहित पौडेल पनि क्रिजमा टिक्न सकेनन्।
वलिङतर्फ यूएईका रोहन मुस्ताफाले दुई तथा आएन अफ्जल खानले एक विकेट लिए ।

फेसबुक प्रतिक्रिया
सम्बन्धित शीर्षकहरु