दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

एनआरएनए कम्बोडियाको समन्वय र पहलमा नेपाली राजदुतावास थाईल्याण्डको घुम्ती पासपोर्ट टोली कम्बोडियामा

न्यूजलाईन्स् मिडिया संवाददाता
प्रकाशित मिति : २०८० बैशाख २६ गते, मंगलवार ५:३५

कम्बोडिया ,एनआरएनए कम्बोडियाको समन्वयमा कम्बोडियामा कार्यरत नेपालीहरुका लागि नेपाली दूतावास थाईल्याण्डले राहदानी घुम्ती सेवा आयोजना गरेको छ । दूतावासले २०८०, बैशाख २४,२५ र २६ गते तदानुसार ७,८ र ९ जुन २०२३ मा घुम्ती सेवा आयोजना गरेको हो । उक्त सेवाको लागी राजदूत गणेश ढकाललगाएत दुतावासका पदाधिकारी कम्बोडियामा आएका छन । झन्डै पाँच सय बैधानिक र ३०० भन्दा बढीको हाराहारीमा अबैधानीक नेपालीहरु कम्बोडियामा रहेका छन । कम्बोडियामा नेपाल सरकारको कुनै कुटनीतिक नियोग नरहेको र नेपालीहरुका समस्या सम्बोधन एनआरएनए कम्बोडियाले गर्दै आएको छ । संघले राहदानी नवीकरणका लागि दुतावाससँग प्रत्यक्ष समन्वय गरि यहाँ रहेका नेपालीहरुलाई निरन्तर सहयोग गर्दै आइरहेको एनआरएनए कम्बोडियाका अध्यक्ष लालसिंह खड्काले बताए । परराष्ट्र मन्त्रालय राहदानी बिभागको परिपत्रलाई सुचित गर्दै नेपाली दुतावास थाईल्यांड़ले जारि गरेको सूचना अनुसार विधुतीय राहदानी मात्र नवीकरण हुने र उक्त राहदानीका लागि भौतिक रुपमा सम्बन्धित व्यक्ति उपस्थित हुनुपर्ने जनाएको छ । कम्बोडियामै रहेर राहदानी नवीकरण गर्नुपर्ने अवस्थामा रहेका नेपालीहरुको समस्यालाई मध्यनजर गर्दै समस्या हलका लागि एनआरएन कम्बोडियाले निरन्तर दूतावाससंग समन्वय गर्दै आएको थियो । पासपोर्ट नवीकरणका लागी राहदानी घुम्ती सेवा एनआरएनए कम्बोडियाको प्रत्यक्ष समन्वयमा कम्बोडिया ल्याउन सफल भएकोमा एनआरएनए कम्बोडिया परिवारले राजदुतावासलाई धन्यवाद व्यक्त गरेको छ । त्यस्तै विभिन्न कार्यमा सहयोग गरिदिने एनआरएनए समन्वय परिषद कम्बोडियाका उपाध्यक्ष ज्ञान राना,प्रितम अधिकारि, राजदूत गणेश ढकाल,दुतावासका पदाधिकारी आकाश अधिकारी साथै दूतवासका कर्मचारीहरु र एनआरएन पदाधीकारीप्रति अध्यक्ष खड्काले हार्दिक आभार व्यक्त गरेका छन । दुतावासको टोली कम्बोडियामा आएको बेलामा उपस्थित भई दुतावासबाट लिईने सेवा कम्बोडियामा नै लिन राजदुत ढकाल र एनआरएनए अध्यक्ष खड्काले कम्बोडियामा रहेका नेपाली समुदायलाई आग्रह गरेका छन । सो टोलिले पासपोर्ट नविकरणका साथमा हराएको च्यातिएको पासपोर्ट बनाउने र अधिकृत वारेशनामाको कार्य पनि गर्ने दुतावासले जनाएको छ ।

फेसबुक प्रतिक्रिया
सम्बन्धित शीर्षकहरु