दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

ज्येष्ठ नागरिकको अवस्था चित्रण गरेर बनाइएको वृत्तचित्र“ज्येष्ठ नागरिक”को प्रदर्शन

न्यूजलाईन्स् मिडिया संवाददाता
प्रकाशित मिति : २०८० जेष्ठ २७ गते, शनिबार २१:४८

काठमाडौं। ज्येष्ठ नागरिकको अवस्था चित्रण गरेर बनाइएको वृत्तचित्र“ज्येष्ठ नागरिक”को प्रदर्शनीको आयोजना गरिएको छ।

आइ.टि. पत्रकार मञ्च, काठमाडौँ महानगरपालिका समाजिक विकास विभागको सहकार्यमा निर्माण भएको ज्येष्ठ नागरिकको जीवनशैली र अवस्था चित्रण गरिएको सो वृत्तचित्र शनिवार राजधानीमा प्रदर्शनी गरिएको हो।

कार्यक्रममा काठमाडौँ महानगरपालिका पूर्व प्रमुख विद्यासुन्दर शाक्यले परिवारभित्रै सम्मानपूर्वक बाँच्न पाउने वातावरणका लागि परिवारका सदस्य तथा राज्यले दायित्व सम्झेर काम गर्नुपर्ने बताएका छन्।
उनले पछिल्लो समय ज्येष्ठ नागरिकलाई परिवारबाट अलग्याएर वृद्धाश्रममा लगेर राख्ने प्रवृत्ति पनि सुरू भएको बताउँदै यस्तो प्रवृत्तिसँग आफु सहमत नहुने बताए।

सो वृत्तचित्रका निर्देशक भरतराज उप्रेतीले वि.स. २०७८ को जनगणना अनुसार नेपालमा २३ लाख ८४ हजार जना ज्येष्ठ नागरिक रहेको उल्लेख गर्दै ज्येष्ठ नागरिकको जीवन सम्मानित र सहज बनाउन राज्यले ल्याएका नीति, सामाजिक सुरक्षा भत्तालगायत अन्य सुविधाले उनीहरूको जीवनमा पारेको प्रभाव र हाल ज्येष्ठ नागरिकले भोगेको अवस्थाको बारेमा जानकारी दिंदै राज्यले बनाउने नीतिमा गर्नुपर्ने सुधारका लागि सुझाव सङ्कलन गर्ने लक्ष्यले ज्येष्ठ नागरिक वृत्तचित्र बनाइएको जानकारी दिए।

उनले हाल काठमाडौँ महानगरपालिका वडा १३, १६ र २० लाई लक्ष्यित गरी ज्येष्ठ नागरिक वृत्तचित्र बनाएको र आगामी दिनमा सातै प्रदेशमा बसोबास गर्ने ज्येष्ठ नागरिकको अवस्थाबारे वृत्तचित्र बनाउने लक्ष्य रहेको पनि बताए।

फेसबुक प्रतिक्रिया
सम्बन्धित शीर्षकहरु